Priya Bapat : मराठीतील आघाडीची अभिनेत्री प्रिया बापटने नुकतीच आईसाठी भावूक पोस्ट शेअर केली आहे. प्रिया बापटच्या आईचे काही वर्षांपूर्वी निधन झाले. अनेकदा तिच्या पोस्ट मध्ये तिला आईची किती आठवत येते हे जाणवतं. आता तिने इंग्रजीत एक भावूक कविता लिहिली आहे जी वाचून सर्वांच्याच डोळ्यात पाणी येईल. तसेच यासोबत तिने आईसोबतचा एक छानसा फोटोही जोडला आहे.
या पोस्ट मध्ये प्रिया बापट लिहिते, प्रिय आई,
मला एक फुलपाखरू दिसलं आणि मला माहित आहे की ते तूच आहेस.मला एक फूल दिसलं आणि मी तुला पाहते.तुझे निसर्गावर किती प्रेम होते हे मला माहीत आहे.आणि म्हणूनच देवाने त्याच्यासोबत नेण्यासाठी तुझीच निवड केली.
तू गेल्यानंतर आमच्यासाठी जगणं सोप्पं नव्हतं पण तू म्हणायचीस जीवन हे वर्तुळ आहे आणि एखाद्याला पुढे जावेच लागते.
तुझ्याशिवाय आयुष्य अपूर्ण आहे पण अशावेळी मी तुझ्या लढाऊ वृत्तीचा विचार करते, वेदनांमध्ये तुझं हसणं,लोभाविना तुझ्या चेहऱ्यावर येणारं हसू याबद्दल मी विचार करते.आणि मी उठते.मी पुन्हा जगण्यासाठी उठते,कठोर परिश्रम करण्यासाठी आणि मी पाहिलेले स्वप्न पूर्ण करण्यासाठी,तुझं प्रेम नेहमीच माझ्या सोबत आहे.
ते म्हणतात तू आता एक तारा बनली आहेसआणि तू आमच्या सर्वांच्यावर लक्ष ठेवून आहेस आईकडे नेहमीच एक सुपरपॉवर असते पण आता तुझ्याकडे जादूची कांडी आहे,मग मी काळजी का करावी? मी नाही. अजिबात काळजी करणार नाही.