प्रियंका चोप्रा (Priyanka Chopra) ने केवळ बॉलिवूडमध्येच नाही तर हॉलिवूडमध्येही स्वत:ची एक वेगळी ओळख निर्माण केली. एक यशस्वी अभिनेत्री, यशस्वी गायिका, यशस्वी निर्माती म्हणून म्हणून प्रियंकाकडे पाहिले जाते. मात्र या प्रियंकाला एकेकाळी वर्णभेदाचा सामना करावा लागला होता. तिला काळी म्हणून चिडविले जायचे. ''माझी कायम इतर गोऱ्या मुलींशी तुलना व्हायची. ही तुलना मला खूप दुखवून जायची'' असा खुलासा प्रियंकाने एका मुलाखती दरम्याने केला होता. पुढे ती म्हणाली,'' वयाच्या 13 व्या वर्षी मी फेअरनेस क्रिम लावायची कारण मला गोरे व्हायचे होते.''
''मी एक वर्षापर्यंत फेअरनेस क्रिमची जाहिरात केली होती, कारण मला तेव्हा वाटले मी सुंदर आहे. पण मला ती जाहिरात नव्हती करायची आणि त्यानंतर मी ती जाहिरात नाही केली.''