एंटरटेनमेंट क्वीन राखी सावंत (Rakhi Sawant) सोशल मीडियावर खूप एक्टिव्ह आहे. तसेच ती आपल्या विधानांमुळे देखील नेहमीच चर्चेत येत असते. आता पुन्हा एकदा राखीची जोरदार चर्चा रंगली आहे. राजकारणावर तिने भाष्य केलं असून तिचा एक व्हिडीओ सोशल मीडियावर जोरदार व्हायरल होत आहे. ज्यामध्ये तिने मुख्यमंत्री होण्याचं तिचं स्वप्न सांगितलं आहे. यासोबतच मुख्यमंत्री झाल्यानंतर नेमकं काय काम करणार हे देखील ती आवर्जून सांगताना पाहाय़ला मिळत आहे.
राखी सावंतने व्हिडिओमध्ये तिला मुख्यमंत्री केले तर काय करायला आवडेल यावर प्रतिक्रिया दिली आहे. "जर मला या मुख्यमंत्री बनवलं तर मी ड्रीम गर्ल हेमा मालिनी जीचे गोरे गाल आणि गोऱ्या कंबरेसारखे रस्ते करेन. आमच्या ड्रीम गर्लसारखे रस्ते मी सुंदर बनवीन. हेमा मालिनीजींचे सौंदर्य, त्यांचा चेहरा, त्यांचे शरीर, तिची कंबर अशा खड्ड्यांपुढे मी जाणार नाही. तुम्ही हे विनोदामध्ये घेऊ नका" असं म्हटलं आहे.
"चहा बनवताना मोदीजी पंतप्रधान झाले तर बसून, पडून, हसत असताना मी मुख्यमंत्री का होऊ शकत नाही?" असं देखील राखीने म्हटलं आहे. तिच्या या विधानाची सध्या सर्वत्र तुफान चर्चा रंगली आहे. हेमा मालिनी मथुरेच्या खासदार आहेत. कंगना राणौतला मथुरेतून भाजपची उमेदवारी मिळणार का, असा सवाल त्यांना काही दिवसांपूर्वी करण्यात आला होता. "खुपच चांगली बाब आहे. माझे विचार देवावर अवलंबून आहेत. कोणी आणखी व्यक्ती जर मथुरेची खासदार बनू इच्छित असेल तर तुम्ही त्याला बनू देणार नाही. तुम्हाला मथुरेत फिल्म स्टारच हवा आहे? उद्या राखी सावंतलाही पाठवाल, ती पण होईल," असं उत्तर हेमा मालिनी यांनी या प्रश्नावर दिलं होतं. एका हिंदी वेबसाईटने याबाबतचे वृत्त दिले आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"