रॅम्प वॉक ते लावणी

मिस युनिव्हर्स २०१३ मध्ये भारताचे प्रतिनिधित्व करत अंतिम सात स्पर्धकांमध्ये पोहोचलेल्या मराठमोळ्या मानसी मोघेला रॅम्प वॉक हा प्रकार नवीन नाही. पण हीच मानसी आता रॅम्प वॉक ते लावणी असा ट्रेक चालली आहे. रॅम्प वॉकवर पावले टाकलेल्या अनेकींचे पुढचे पाऊल हे अभिनय क्षेत्र असते. मानसीनेसुद्धा हा मार्ग चोखाळताना थेट लावणी जवळ केली आहे. ‘बुगडी माझी सांडली गं’ या चित्रपटात ती तब्बल सहा लावण्यांवर थिरकली आहे. रॅम्प वॉक ते लावणी असा तिचा प्रवास आता रुपेरी पडद्यापर्यंत येऊन ठेपला आहे.