रणबीर कपूर- आलिया भट्ट ‘साथ साथ’! हा घ्या पुरावा!!

होय, आलिया व रणबीरचा एक ताजा फोटो सध्या व्हायरल होत आहे. हा फोटो आहे, न्यूयॉर्कमधला. रणबीरच्या फॅन क्लबने हा फोटो शेअर केला आहे.

ठळक मुद्देरणबीर कपूर व आलिया भट्ट गेल्या अनेक दिवसांपासून चर्चेत आहेत. होय, दोघांच्याही रिलेशनशिपच्या चर्चा जोरात आहेत. अलीकडे खुद्द आलियाने करण जोहरच्या शोमध्ये रणबीर कपूरसोबत  रिलेशनशिपमध्ये असल्याची अप्रत्यक्ष कबुली दिली होती.

रणबीर कपूर व आलिया भट्ट गेल्या अनेक दिवसांपासून चर्चेत आहेत. होय, दोघांच्याही रिलेशनशिपच्या चर्चा जोरात आहेत. अलीकडे खुद्द आलियाने करण जोहरच्या शोमध्ये रणबीर कपूरसोबत  रिलेशनशिपमध्ये असल्याची अप्रत्यक्ष कबुली दिली होती. आलियाचे पिता महेश भट्ट यांनी तर अगदी खुल्लम खुल्ला सगळे काही सांगून टाकले होते. याशिवाय सोशल मीडियावरच्या दोघांच्या फोटोंनीही करायचा तो खुलासा केला होता. आता या फोटोत आणखी एकाची भर पडली आहे. होय, आलिया व रणबीरचा एक ताजा फोटो सध्या व्हायरल होत आहे. हा फोटो आहे, न्यूयॉर्कमधला. रणबीरच्या फॅन क्लबने हा फोटो शेअर केला आहे. या फोटोत रणबीर व आलिया दोघेही एकत्र दिसताहेत. या फोटोवरून एक गोष्ट स्पष्ट आहे. ती म्हणजे रणबीर व आलिया दोघेही न्यू ईअर सेलिब्रेशनसाठी न्यूयॉर्कमध्ये आहेत. आपल्या बिझी शेड्यूलमधून वेळ काढून रणबीर-आलिया ख्रिसमसच्या आधी न्यूयॉर्कला जाणार असल्याची बातमी मध्यंतरी होती. ही बातमी खरी ठरली आहे.  हा ताजा फोटो याचा पुरावा मानायला हरकत नाही.  

काही महिन्यांपासून रणबीरचे डॅड ऋषी कपूर न्यूयॉर्कमध्ये उपचार घेत आहेत. रणबीरची मॉम नीतू कपूरही न्यूयॉर्कमध्ये आहे. कदाचित याचमुळे रणबीर व आलियाने न्यू ईअर सेलिब्रेशनसाठी न्यूयॉर्कची निवड केली असावी.

सध्या आलिया आणि रणबीर  ‘ब्रह्मास्त्र’ शूटिंगमध्ये बिझी आहेत.या सिनेमाचे दिग्दर्शन अयान मुखर्जी करतोय. याच चित्रपटाच्या सेटवर आलिया व रणबीर एकमेकांत गुंतल्याचे म्हटले जाते. सोनम कपूरच्या लग्नात या दोघांना एकत्र पाहिले गेले आणि तिथूनच त्यांच्या अफेअरविषयी चर्चा सुरू झाल्या.