रणबीर कपूर आणि आलिया भट बी-टाऊनमधलं सगळ्यात हॉट कपल आहे. नुकतेच दोघांचे फिल्मफेअरमध्ये अॅवॉर्ड दरम्यानचे फोटो सोशल मीडियावर व्हायरल झाले आहेत. आलियाला सर्वोत्कृष्ट अभिनेत्रीचा पुरस्कार मिळाला त्यावेळी तिने स्टेजवर दिलेल्या भाषणात चक्क रणबीर कपूरवरच्या प्रेमाची जाहीर कबुली दिली आणि सगळेच अवाक् झालेत.
सध्या दोघे 'ब्रह्यास्त्र'च्या शूटिंगमध्ये बिझी आहेत. या सिनेमाच्या सेटवर दोघांचा रोमान्स सुरु झाला होता. यासिनेमाच्या सेटवरचा फोटो अयान मुखर्जीने शेअर केला आहे. ज्यात रणबीरची नजर आलियावरुन हटत नाहीय.
करिअरच्या सुरूवातीला रणबीरने रोमॅन्टिक चित्रपट केलेत. या चित्रपटाने त्याची लव्हरबॉय ही इमेज तयार केली. पण आता तो या इमेजमधून बाहेर पडण्यासाठी स्वत:हून प्रयत्न करतो आहे. कदाचित म्हणूनचं रणबीरने ‘ब्रह्मास्त्र’ सारखा चित्रपट साईन केला आहे. 'ब्रह्मास्त्र' ख्रिसमसच्या आठवड्यात प्रेक्षकांच्या भेटीला येणार आहे.