रणबीर कपूरचे सध्या संजूचे सक्सेस एन्जॉय करतोय. गेल्या सात दिवसांमध्ये संजू बॉक्स ऑफिसवर 200 कोटींपेक्षा जास्त गल्ला जमावला आहे. 200 कोटींच्या क्लबमध्ये पोहोचणारा रणबीरचा हा पहिलाच सिनेमा आहे. रणबीरचा आगामी चित्रपट शेमशेर ही रंजक असणार आहे.
सध्या रणबीर कपूर त्याचा खास मित्र आणि दिग्दर्शक अयान मुखर्जीच्या ब्रह्मास्त्रचे शूटिंग करतो आहे. यानंतर यशराज फिल्मसच्या 'शमशेर'च्या तयारी लागणार आहे. यात संजय दत्त आणि रणबीर कपूर एकत्र दिसणार आहेत. डेक्कन क्रॉनिकलशी बोलताना रणबीर म्हणाला की, माझी शमशेरमधील भूमिका आक्रमक आहे. ही व्यक्तीरेखा अतिशय रागिश्ट आहे. 18 व्या दशकावर आधारित यात रणबीर डाकूच्या भूमिकेत दिसणार आहे. जो आपल्या स्वतंत्र्यासाठी आणि अधिकाऱ्यांसाठी लढताना दिसणार आहे. या चित्रपटाचे दिग्दर्शन करण मल्होत्रा करणार आहे. याआधी करणने संजय दत्तच्या 'अग्निपथ'चे दिग्दर्शन केले होते. शमशेरची शूटिंग यावर्षाच्या अखेरिस सुरु होईल. या चित्रपटाची निर्मिती आदित्य चोप्रा करणार आहे.
रणबीरने यातील संजय दत्तच्या भूमिकेचा ही खुसाला करत म्हणाला, संजय दत्त 'शमशेर'मध्ये व्हिलेनच्या भूमिकेत दिसणार आहे. या सिनेमाची शूटिंग करण्यासाठी मी खूपच उत्सुक आहे. शमशेरामध्ये बेफिक्रे गर्ल वाणी कपूर रणबीर कपूरच्या अपोझिट दिसणार आहे. वाणी कपूर आमच्या अॅक्शन आणि एडव्हेंचर चित्रपट शमशेरमध्ये एका वेगळ्या अंदाजात दिसण्यासाठी तयार आहे. रणबीर कपूर तब्बल नऊ वर्षानंतर यशराजसोबत काम करतोय. याआधी रॉकेट सिंह: सेल्समैन ऑफ द ईयर' या यशराजच्या चित्रपटात तो दिसला होता. तर संजय दत्तचा हा यशराज बॅनरसोबत पहिलाच चित्रपट आहे. गेल्या 37 वर्षांच्या करिअरमध्ये संजय दत्तने यशराज बरोबर याआधी कधीच काम केलेले नाही.