नुकताच एक फोटो सोशल मीडियावर व्हायरल होताना दिसतो आहे. या फोटोत रणवीर सिंग आणि राणी मुखर्जी एक सारख्या कपड्यांमध्ये दिसत आहेत. लग्नाच्या पहिल्या वाढदिवसादिवशी रणवीर सिंगने फ्लोरल प्रिंट असलेलं डार्क रंगाचा कुर्ता व पायजमा परिधान केला होता आणि नुकताच तशीच प्रिंट असलेल्या ड्रेसमध्ये बॉलिवूडची मर्दानी म्हणजेच राणी मुखर्जी दिसली. त्यानंतर तिला नेटकऱ्यांनी ट्रोल करायला सुरूवात केली.
राणी मुखर्जी सध्या आगामी चित्रपट मर्दानीच्या प्रमोशनमध्ये व्यग्र आहे. या प्रमोशनसाठी तिनं सब्यसाचीने डिझाईन केलेला ड्रेस परिधान केला होता. तिचा हा फोटो स्वतः सब्यसाचीनं त्यांच्या ऑफिशिअल इन्स्टाग्रामवर शेअर केला होता. मात्र राणीच्या लुकमुळे तिला सोशल मीडियावर ट्रोलिंगचा सामना करावा लागला.