Rakhi Sawant Dances With Ranveer Singh : ड्रामा क्वीन राखी सावंत (Rakhi Sawant) अतरंगी आहेच. पण बॉलिवूड अभिनेता रणवीर सिंगही (Ranveer Singh ) कमी अतरंगी नाही. फॅशनच्या बाबतीत रणवीरचा अतरंगीपणा तुम्ही पाहिला असेलच. राखीसाठीही हे नवं नाही. रोज काहीतरी नवं करून चर्चेत राहणं तिलाही चांगलंच जमतं. समजा राखी व रणवीर एकत्र आले तर? एका अवार्ड फंक्शनमध्ये नेमकं हेच घडलं. राखी सावंत व रणवीर सिंग एकत्र आलेत. मग काय, दोघांनीही अशी काही मस्ती केली केली की, पाहून सगळेच अवाक् झालेत.
रेड कार्पेटवर राखी जीन्स टॉपसोबत क्रॉप्ड जॅकेट आणि डोक्यावर भलंमोठ्ठ गुलाबाचं फुल अशा पोशाखात दिसली. तिच्या डोक्यावरच्या गुलाबाच्या फुलानं सर्वांचंच लक्ष वेधलं. रेड कार्पेटवर रणवीर व राखीची भेट झाली. मग काय, अख्खा माहौलच बदलला. रणवीर व राखी दोघंही एकत्र आल्यावर काय होणार?
सेलिब्रिटी फोटोग्राफर विरल भयानीने अवार्ड फंक्शनमधील राखी व रणवीरचा व्हिडीओ शेअर केला आहे. यात राखी व रणवीरची रेड कार्पेटवरची धम्माल मस्ती पाहायला मिळते. राखी सावंतला भेटून रणवीर भलताच आनंदात दिसतोय. राखी दिसताच, रणवीर डान्स करायला लागला. राखीसोबत त्याने मजेशीर पोझही दिल्या. सध्या राखी व रणवीरचा हा व्हिडीओ सोशल मीडियावर व्हायरल होतोय.
या व्हिडीओवरच्या चाहत्यांच्या कमेंट्सही मजेशीर आहेत. दीपिका आज नक्कीच तुला घरात घेणार नाही, अशी कमेंट एका युजरने केली. राम मिलाए जोडी, अशी कमेंट अन्य एकाने केली. एका युजरने तर ‘दो जोकर एक साथ’ अशी कमेंट केली.