'पागल' गाण्याला व्ह्यूज मिळवण्यासाठी बादशाहने दिले होते ७२ लाख? तीन वर्षानंतर रॅपरने केला खुलासा

बादशाह 2020मध्ये वादात सापडला होता. त्याच्यावर 'पागल' गाण्याचे व्ह्यूज विकत घेतल्याचा आरोप होता, ज्यावर त्याने आता खुलासा केला आहे.

रॅपर बादशाह त्याच्या गाण्यांमुळे चर्चेत राहतो. तो अनेक वेळा वादाच्या भोवऱ्यातही अडकलेला दिसतो. बादशाहची जबरदस्त फॅन फॉलोइंग आहे. बादशाह 2020मध्ये वादात सापडला होता. त्याच्यावर  'पागल' गाण्याचे व्ह्यूज विकत घेतल्याचा आरोप होता, ज्यावर त्याने आता खुलासा केला आहे. 

2020मध्ये रिलीज झालेले बादशाहचा म्युझिक अल्बम 'पागल' सुपरहिट झाला होता. या गाण्याच्या व्ह्यूज अनेक रेकॉर्ड मोडले होते. यानंतर बादशाहने या गाण्यासाठी ७२ लाख रुपये दिल्याचा आरोप केला होता. याप्रकरणावर त्याला सन्मस पाठवून चौकशी करण्यात आली. आता यावर बादशाहची प्रतिक्रिया समोर आली आहे. एका पॉडकास्टला दिलेल्या मुलाखती दरम्यान त्याने यावर भाष्य केलं आहे. 

बादशाह म्हणाला, तुम्हीही कधीही यूट्युबवरील व्ह्यूज खरेदी करु शकत नाही. याला अधिकृत संस्थांकडून जाहिरात खरेदी करणे म्हणतात. पागलला जास्तीत जास्त प्रेक्षकांपर्यंत पोहोचवणं आणि ठराविक प्रेक्षकसंख्या मिळवणं हा अजेंडा होता. आम्हाला वाटले की आमच्याकडे एक जागतिक गाणे आहे आणि आम्हाला त्याची जाहिरात जागतिक स्तरावर करायची होती. जे बाल्विनचा 'मी गेंटे' त्यावेळी रिलीज झाला होता आणि तो प्रचंड गाजला होता. संगीताला सीमा नसल्यामुळे हिंदी भाषेत गाण्यात कोणताही अडथळा नसावा असे आम्हाला वाटले.

तो पुढे म्हणाला, पागल बार्झीलमध्ये खूप हिट झाले होते. त्याच गाण्यामुळे मला बरेच लोक ओळखतात. माझा उद्देश हे गाणं जगापर्यंत पोहोचवण्याचा होता. क्रॉसओव्हरमध्ये जे काही पैसे गेले ते कायदेशीररित्या गुंतवण्यास माझी हरकत नव्हती. आम्ही तीन एजन्सींकडून जाहिराती विकत घेतल्या ज्या योग्य GST इनव्हॉइससह YouTube द्वारे सूचीबद्ध केल्या होत्या. दुर्दैवाने, काही दर्शकांनी खोट्या दृश्यांसह कथा पसरवण्यास सुरुवात केली. मला अजूनही खोटे विचार काय आहेत हे माहित नाही.