रश्मिका मंदानाने केला 'सामी सामी' वर डान्स, हटके ब्लॅक साडीत दिसतेय हॉट!

सध्या 'पुष्पा २: द रुल' सिनेमाचं प्रमोशन जोरदार सुरु आहे. सिनेमाच्या टीमने आज मुंबईत हजेरी लावली.

'पुष्पा २: द रुल' (Pushpa 2: The Rule) लवकरच थिएटरमध्ये धुमाकूळ घालायला येणार आहे. अल्लू अर्जुन (Allu Arjun), रश्मिका मंदाना (Rashmika Mandanna) आणि फहाद फासिल (Fahad Faasil) यांच्या सिनेमाची उत्सुकता आता शिगेला पोहोचली आहे. 'पुष्पा: द राईज' २०२१ मध्ये प्रदर्शित झाला होता. त्याचाच हा सीक्वेल आहे. या सिनेमातही अल्लू अर्जुनचे हटके डायलॉग, रश्मिकाचा क्युट अंदाज आणि फहाद फासिलचा खलनायकी अवतार दिसणार आहे. दरम्यान नुकतंच अल्लू अर्जुन आणि रश्मिकाने मुंबईत सिनेमाचं प्रमोशन केलं. तेव्हा रश्मिकाने 'सामी सामी' गाण्यावर स्टेप केली त्याचा व्हिडिओ व्हायरल होतोय.

सध्या 'पुष्पा २: द रुल' सिनेमाचं प्रमोशन जोरदार सुरु आहे. सिनेमाच्या टीमने आज मुंबईत हजेरी लावली. या प्रमोशनल इव्हेंटमध्ये रश्मिका मंदाना आणि अल्लू दोघंही ब्लॅक आऊटफिटमध्ये पोहोचले होते. रश्मिकाने ऑफ शोल्डर हटके ब्लॅक साडी परिधान केली होती. यात ती अगदीच हॉट दिसत होती. स्टेजवर येताच तिने सगळ्यांच्या आग्रहाखातर 'सामी सामी' या लोकप्रिय गाण्याची व्हायरल होत असलेली डान्स स्टेप करुन दाखवली. तिने डान्स करताच टाळ्यांचा-शिट्टयांचा कडकडाट झाला.

दरम्यान,  'पुष्पा 2' हा देशातील सर्वाधिक लांबीचा चित्रपट असण्याची शक्यता आहे. सिनेमाचा रनटाइम रणबीर कपूरच्या 'ॲनिमल'पेक्षा जास्त असू शकतो. म्हणजे सुमारे साडेतीन तास प्रेक्षकांना थिएटरमध्ये बसावे लागणार आहे.सिनेमा प्रदर्शित होण्यासाठी आता फक्त ७ दिवस उरले आहेत. येत्या ५ डिसेंबरला हा चित्रपट संपूर्ण भारतात प्रदर्शित होणार आहे.'ॲनिमल' ची लांबी 3 तास 21 मिनिटे होती. तर रिपोर्टनुसार अल्लू अर्जुनचा 'पुष्पा 2' देखील 3 तास 21 मिनिटे किंवा त्याहून अधिक लांब असू शकतो.