बॉलिवूडचा किंग खान म्हणजेच शाहरूख खानने कधी रोमँटिक तर कधी अॅक्शन सीनमधून प्रेक्षकांना चांगलीच भुरळ पाडली आहे. या खानबरोबर बॉलिवूडमधील नायका काम करण्याची संधी शोधत असतात. मात्र आता सूत्रांकडून मिळालेल्या माहितीनुसार अभिनेत्री स्वरा भास्करने चक्क त्याच्यासोबत काम करायला नकार दिला आहे.
अभिनेत्री स्वरा भास्करने रांझणा, नील बट्टे सन्नाटा व वीरे दी वेडिंग यासारख्या चित्रपटातून बॉलिवूडमध्ये आपले स्थान निर्माण केले आहे. वीरे दी वेडिंग चित्रपटात तिने साकारलेली बोल्ड भूमिका प्रेक्षकांना खूप भावली. इतकेच नाही तर स्वरा सोशल मीडियावर तिच्या वक्तव्यामुळे चर्चेत असते. मात्र तिने चक्क बॉलिवूडचा रोमांस किंग शाहरूखसोबत तिने काम करण्यास नकार दिल्यामुळे ती चर्चेत आली आहे. शाहरुखच्या एका नावाजलेल्या चित्रपटासाठी स्वराला विचारणा करण्यात आले होते. या चित्रपटामध्ये स्वराला शाहरुखच्या बहिणीची भूमिका साकारायची होती. मात्र बहिणीची भूमिका मिळणार असल्याचे ऐकताच स्वराने नकार दिला.याबाबत स्वरा म्हणाली, माझ्या आवडत्या अभिनेत्यांपैकी शाहरुख खान एक आहे. त्यामुळे जर त्याच्यासोबत स्क्रिन शेअर करण्याची संधी मिळाली तर मला प्रमुख भूमिका किंवा त्याची अभिनेत्री व्हायला आवडेल. त्याची बहीण होण्याचा विचार मी कधी स्वप्नातही करु शकत नाही. त्यामुळे या चित्रपटात मी बहिणीची भूमिका साकारु शकणार नाही.आता स्वराने शाहरूखची प्रेयसी किंवा त्याच्या चित्रपटात प्रमुख भूमिका करायला आवडेल सांगून किंग खानसोबत काम करण्याची संधी हुकली आहे. मात्र तिचे चाहते तिला ही संधी कधी मिळेल, याची वाट पाहत आहेत.