ऑनलाइन लोकमत -
मुंबई, दि. ११ - यावर्षी अनेक बिग बजेट चित्रपट रिलीज होणार आहे. यातीलच एक चित्रपट आहे 'उडता पंजाब' ज्याची प्रेक्षक आतुरतेने वाट पाहत आहेत. या चित्रपटाचं विशेष आकर्षण असणार आहे शाहीद आणि करिनाची जोडी. 'जब वी मेट' चित्रपटात काम केल्यानंतर प्रथमच दोघे एकत्र दिसणार आहे. या चित्रपटाचा मोशन लोगो नुकताच रिलीज करण्यात आला आहे.
ब्रेक अप झाल्यानंतर शाहीद आणि करिना दोघांनीही एकमेकांसोबत चित्रपट करणं टाळलं होतं. मात्र 'उडता पंजाब' चित्रपटाच्या निमित्ताने दोघे पुन्हा एकत्र दिसणार आहेत. त्यामुळे नेमकी त्यांची ऑन स्क्रीन केमिस्ट्री पाहण्यासाठी प्रेक्षक उत्सुक आहेत. शाहीद आणि करिनाव्यतिरिक्त या चित्रपटात आलिया भट आणि पंजाबी सुपरस्टार दिलजितदेखील प्रमुख भुमिकेत असणार आहेत. अभिषेक चौबेने या चित्रपटाचं दिग्दर्शन केलं आहे. 16 एप्रिलला चित्रपटाचा ट्रेलर रिलीज करण्यात येणार आहे.
And it begins!!!!! Here we go... Let's get it rolling, shall we? Check this out, #UdtaPunjabStartsRolling - https://t.co/Zf6bJSDp4H— Alia Bhatt (@aliaa08) April 11, 2016