म्हणायला टीव्हीवरचा सर्वात वादग्रस्त शो, पण तितकाच लोकप्रियही. आम्ही बोलतोय ते ‘बिग बॉस’ या रिअ‍ॅलिटी शोबद्दल. या शोचा एक सीझन संपत नाही तोच प्रेक्षक दुस-या नव्या सीझनची आतुरतेने प्रतीक्षा करताना दिसतात. फेब्रुवारी महिन्यात या ‘बिग बॉस’चा 14 वा संपला होता. अभिनेत्री रूबीना दिलैक ही या सीझनची विजेती ठरली होती. यानंतर आता ‘बिग बॉस’च्या 15 व्या सीझनची तयारी सुरु झालीये. होय, ‘बिग बॉस 15’ (Bigg Boss 15) लवकरच प्रेक्षकांच्या भेटीस येत आहे.आता नवा सीझन म्हटल्यावर बिग बॉसच्या घरात कोण जाणार, याचीही उत्सुकता असणार. तूर्तास अनेक नावांची चर्चा सुरु झालीये. चर्चा खरी मानाल तर, बॉलिवूड अभिनेत्री रिया चक्रवर्ती (Rhea Chakraborty) आणि ‘तारक मेहता का उल्टा चश्मा’ फेम दयाबेन अर्थात दिशा वकानी ( Disha Vakani ) या दोन नावांची सध्या जोरदार चर्चा आहे.
सुशांत सिंग राजपूतच्या मृत्यूनंतर रिया चक्रवर्ती प्रचंड चर्चेत आली होती. तसेच ड्रग्ज प्रकरणात तिला अटकही झाली होती. हीच रिया बिग बॉसच्या घरात स्पर्धक म्हणून सहभागी होऊ शकते, असे मानले जातेय. असे झाल्यास सुशांत प्रकरणावरही ती बोलेल, याची शक्यता नाकारता येत नाही.
या नावांचीही हवा...रिया व दिशा वकानी यांच्याशिवाय टीव्ही अभिनेत्री अनुषा दांडेकर, पार्थ समथान, सुरभी चंदना, मोहसिन खान, बोल्ड अभिनेत्री निया शर्मा यांच्याशीही संपर्क साधण्यात आल्याची चर्चा आहे. राहुल वैद्यची गर्लफ्रेंड दिशा परमार हिचे नाव ही स्पर्धक म्हणून समोर येत आहे. अभिनेत्री दिव्यांका त्रिपाठी आणि तिचा नवरा विवेक दहिया या कपलचे नावही चर्चेत आहे. मात्र, या नावांवर अद्याप शिक्कामोर्तब झालेले नसल्याने त्याची अधिकृत घोषणाही झालेली नाही. नव्या सीझनमध्ये सेलिब्रिटींसोबतच काही सर्वसामान्य लोकांनाही स्पर्धक म्हणून सहभागी करून घेणार असल्याची घोषणा सलमान खानने केली होती.
कृष्णा अभिषेकही बिग बॉसच्या घरात जाणार?बॉलिवूड अभिनेता गोविंदा यांचा भाचा कॉमेडियन कृष्णा अभिषेक याच नावही स्पर्धकांच्या यादीत असल्याची चर्चा आहे. रिपोर्ट्सनुसार, ‘बिग बॉस 15’चे ऑडिशन फेब्रुवारीपासूनच सुरु झाले होते़ ते 31 मेपर्यंत चालणार होते़ म्हणजे आज या ऑडिशनचा शेवटचा दिवस आहे़