सैराट चित्रपटातून घराघरात पोहचलेली अभिनेत्री रिंकू राजगुरूने अल्पावधीतच प्रेक्षकांच्या मनात घर कायम केले आहे. ती सोशल मीडियावर सक्रीय असून ती सोशल मीडियाच्या माध्यमातून चाहत्यांच्या संपर्कात असते. तसेच ती सोशल मीडियावर फोटो व व्हिडीओ शेअर करत असते. नुकताच रिंकू राजगुरूने एक व्हिडीओ शेअर केला आहे. हा व्हिडीओ सोशल मीडियावर व्हायरल होतो आहे.
रिंकू राजगुरू हिने सोशल मीडिया इंस्टाग्रामवर एक व्हिडीओ शेअर केला आणि काही वेळानंतर हा व्हिडीओ डिलीट केला. मात्र तिचा हा व्हिडीओ तिच्या फॅन पेजवर पहायला मिळतो आहे. या व्हिडीओत ती मांजरीच्या पिल्लूचे लाड करताना दिसते आहे. रिंकू मांजरीच्या पिल्लूची पप्पी काय घेते आहे आणि तिचे लाड करताना दिसते आहे. रिंकूचा हा क्यूट व्हिडीओ चाहत्यांना खूप भावतो आहे. यापूर्वीदेखील रिंकूने कुत्रा, मांजरीसोबतचे व्हिडीओ आणि फोटो शेअर केले आहेत. तिला पाळीव प्राण्यांची खूप आवड आहे.
रिंकू राजगुरूच्या वर्कफ्रंटबद्दल सांगायचं तर रिंकू राजगुरू सध्या आगामी प्रोजेक्टच्या शूटिंगमध्ये व्यग्र आहे. सार्थक दासगुप्ता दिग्दर्शित या प्रोजेक्टमध्ये रिंकूसोबत ज्येष्ठ अभिनेते अमोल पालेकर दिसणार आहेत. तिच्या या प्रोजेक्टच्या शीर्षक आणि कथानकाबद्दल अद्याप काही समजू शकलेले नाही. मात्र शूटिंगच्या सेटवरून हा कोर्ट रुम ड्रामा असेल.
या शिवाय रिंकू राजगुरूने नुकतेच लंडनमध्ये आगामी मराठी चित्रपट छूमंतरचे शूटिंग पूर्ण केले आहे. छूमंतर चित्रपटात प्रार्थना बेहरेसोबत अभिनेत्री रिंकू राजगुरू, अभिनेता सुव्रत जोशी आणि ऋषी सक्सेना मुख्य भूमिकेत दिसणार आहेत.या चित्रपटाचे दिग्दर्शन समीर जोशी करत आहेत.