Ved Marathi Movie : रितेश देशमुख (Rietesh Deshmukh) आणि जेनेलिया(Genelia) च्या चाहत्यांना आतुरता आहे ती वेड सिनेमाची.सिनेमाचे जबरदस्त ट्रेलर पाहून मराठी, हिंदी सिनेसृष्टीतील कलाकार भरभरुन कौतुक करताना दिसत आहेत.एकतर्फी प्रेम आणि त्यातलं वेड असा एकंदर सिनेमाचा विषय आहे. रितेश आणि जेनेलियाची रिअल लाईफ जोडी बऱ्याच काळानंतर रील लाईफ मध्येही बघायला मिळणार आहे.
रितेश देशमुख "वेड" चित्रपटाच्या माध्यमातून दिग्दर्शनात पदार्पण करत आहे. रितेशने आपल्या चित्रपटासाठी संगीतकार अजय(Ajay Gogavale) आणि अतुल गोगावले(Atul Gogavale) यांची निवड केली.
रिपोर्टनुसार, रितेश म्हणाला, "अजय-अतुलसोबतचे माझं नातं तेव्हापासून सुरू झालं जेव्हा मी माझा पहिला मराठी चित्रपट लय भारी (2014) केला आणि आता मी पहिल्यांदाच मराठी चित्रपट दिग्दर्शित करत आहे, त्यामुळे अजय-अतुल माझी पहिली पसंती आहे. मला याचा खूप आनंद आहे की ते माझ्या चित्रपटात काम करत आहे आणि चित्रपटासाठी संगीत खूप महत्त्वाचे आहे.”
चित्रपटाचा ट्रेलरवेड मध्ये एकतर्फी प्रेमाची गोष्टच मांडण्यात आल्याचे दिसते. रितेशचा गंभीर (Intense) लुक चाहत्यांच्या पसंतीस पडत आहे. एकतर्फी प्रेम, विरह, नवरा बायकोमधील नातं चित्रपटातून मांडले आहे. जेनेलियाला पहिल्यांदाच मराठी बोलताना पाहून चाहते खुश झालेत. चित्रपटातील गाणी, रितेश जेनेलियाची जोडी, जिया शंकरसोबत रितेशची केमिस्ट्री बघून चाहत्यांना सिनेमाच्या ट्रेलरची प्रचंड उत्सुकता होती. आता ट्रेलर प्रदर्शित झाला असून काही मिनिटातच हजारो व्ह्युज मिळाले आहेत. चित्रपटातील आणखी एक सरप्राईज ते म्हणजे अभिनेते अशोक सराफ यांचे. त्यांचीही ट्रेलरमध्ये झलक दिसत आहे.