‘बिग बॉस 16’मध्ये (Bigg Boss 16) एन्ट्री घेणारा साजिद खान (Sajid Khan ) आत्तापर्यंत बराच शांत भासला होता. पण गेल्या वीकेंड का वारमध्ये सलमान त्याला कानमंत्र देताना दिसला. घराच्या मुद्यावर बोल, असा सल्ला सलमानने घेतला आणि साजिदने हा सल्ला जरा जास्तच मनावर घेतला. इतका की साजिदची पर्सनॅलिटी एकाच दिवसात पूर्णपणे बदललेली दिसली. आत्तापर्यंत घरातील सर्व सदस्यांच्या गुडबुकमध्ये असलेला साजिद खानबिग बॉसच्या घरात अर्वाच्य शिव्या देताना दिसला. गौतम विज याला मारण्यासाठी धावला. साहजिकच, यानंतर साजिद खान सोशल मीडियावर जबरदस्त ट्रोल होतोय.
गौतम विज (Gautam Vig) याने कॅप्टन बनण्यासाठी घरातील संपूर्ण राशनचं बलिदान दिलं. राशन गेल्यामुळे साजिदचा पारा चढला आणि तो गौतमवर भडकला. गौतमला घाणेरड्या शिव्या देण्यासोबतच त्याला मारण्याची धमकीही त्याने दिली. साजिद गौतमच्या अंगावर धावून गेला. शिव आणि एमसी स्टॅन यांनी साजिदला थांबवलं. कालच्या एपिसोडमध्ये साजिद गौतमला मिडल फिंगर दाखवून शिव्या देताना दिसला. माझ्यापासून दूर राहा, नाहीतर तुला सोडणार नाही, अशी धमकी साजिदने गौतमला दिली. एका क्षणाला त्याचा पारा इतका चढला की तो गौतमला मारायला धावला. पण घरातील अन्य सदस्यांनी त्याला तसं करण्यापासून रोखलं. गौतमने आपल्या वागण्यासाठी माफी मागितली. पण साजिद आणखीच भडकला. मी शिव्या देत राहणार. मला घराबाहेर जावं लागलं तरी चालेल, असं साजिद म्हणाला.
संतापले युजर्ससाजिद खानचं वागणं पाहून एमसी स्टॅन व शिवने त्याला समजवण्याचा बराच प्रयत्न केला. पण साजिदवर याचा काहीही परिणाम झाला नाही. साजिदचं हे रूप बिग बॉसच्या चाहत्यांना अजिबात आवडलं नाही. मग काय, सोशल मीडिया युजर्सनी साजिदला जबरदस्त ट्रोल केलं. बिग बॉसने साजिदला तंबी देण्याऐवजी उलट त्याला व उपोषण करणाºयांना पिझ्झा खाऊ घातला, हे लोकांना आवडलं नाही. एका युजरने साजिदवर भडास काढली. साजिद खान गौतमला सतत धमक्या देत आहे तरीही बिग बॉस काहीही कारवाई का करत नाहीये? गोरीला इतकं सुनावलं पण साजिदला कन्फेशन रूममध्ये पिझ्झा खाऊ घातला, असं एका युजरने लिहिलं.
गौतमने चूक केली पण साजिद खानला त्याला शिव्या देण्याचा काहीही अधिकार नाही, असं एका युजरने लिहिलं.आता वीकेंड का वारमध्ये साजिद खानला या वागण्यासाठी काय शिक्षा मिळते? सलमान त्याला कसं घेतो? हे बघणं इंटरेस्टिंग असणार आहे.