Kisi Ka Bhai Kisi Ki Jaan funny memes : बॉलिवूडचा भाईजान सलमान खानचा (Salman Khan) 'किसी का भाई किसी की जान' (Kisi Ka Bhai Kisi Ki Jaan) हा सिनेमा रिलीज झालाये. खरं तर भाईजानचे चाहते दीर्घकाळापासून या सिनेमाची प्रतीक्षा करत होते. पण प्रत्यक्षात सिनेमा पाहिल्यानंतर अनेकांची निराशा झाली आहे. अनेकांनी या सिनेमावर संमिश्र प्रतिक्रिया दिल्या आहेत. सलमानच्या चाहत्यांना सिनेमा आवडला आहे. पण अनेकांनी या सिनेमाची आणि सलमानची जोरदार खिल्ली उडवली आहे. तूर्तास इंटरनेटवर या सिनेमावरच्या मजेशीर मीम्सचा पूर आला आहे. हे मीम्स पाहून तुम्हालाही हसू आवरणार नाही.
'किसी का भाई किसी की जान' हा सिनेमा जगभरात ५७०० पेक्षा अधिक स्क्रीन्सवर रिलीज झाला आहे. जाणकारांच्या मते, पहिल्या दिवशी हा सिनेमा १५ ते १८ कोटींचा बिझनेस करू शकतो. सलमानच्या फॅन फाॅलोइंग बघता हे कलेक्शन फारच कमी आहे. पण उद्या ईद आहे. शिवाय शनिवार, रविवार सुट्टी असल्याने याचा फायदा या सिनेमाला होऊ शकतो.सलमान खान प्रॉडक्शनच्या 'किसी का भाई किसी की जान' सिनेमाचं दिग्दर्शन फरहाद सामजीनं केलं आहे. सलमान खान,व्यंकटेश दग्गुबाती,पूजा हेगडे,जगपति बाबू,भूमिका चावला,विजेंदर सिंग,अभिमन्यु सिंग,राघव जुयाल,सिद्धार्थ निगम,जस्सी गिल,शहनाज गिल,पलक तिवारी आणि विनाली भटनागर अशी भलीमोठी स्टारकास्ट असलेला हा सिनेमा आता बॉक्स ऑफिसवर काय कमाल दाखवतो ते बघूच.