सलमान खानने ईदच्या आधी शेअर केला अजय देवगणच्या 'रनवे ३४'चा टीझर, यावेळी वेगळ्या अंदाजात देणार ईदी

सलमान खान(Salman Khan)ने अजय देवगण (Ajay Devgan) आणि अमिताभ बच्चन (Amitabh Bachchan) यांच्या 'रनवे ३४' (Runway 34) चित्रपटाचा टीझर सोशल मीडियावर शेअर केला आहे.

बॉलिवूडचा भाईजान सलमान खान (Salman Khan) यंदाच्या ईदला कोणताही चित्रपट रिलीज करणार नाही, पण त्याने या खास प्रसंगी अजय देवगण(Ajay Devgan)च्या एका चित्रपटाला पाठिंबा देण्याचा निर्णय घेतला आहे, जो ईदलाच प्रदर्शित होणार आहे. सलमान खाननेअजय देवगण आणि अमिताभ बच्चन (Amitabh Bachchan) यांच्या 'रनवे ३४' (Runway 34) चित्रपटाचा टीझर सोशल मीडियावर शेअर केला आहे आणि चाहत्यांना या ईदला अजय देवगणचा चित्रपट पाहण्याचे आवाहन केले आहे. सलमान खानने हा व्हिडिओ शेअर करताच सोशल मीडियावर व्हायरल झाला आहे.

रनवे ३४ च्या ट्रेलरची रिलीज डेट शेअर करत सलमान खानने चित्रपटाचा टीझर व्हिडिओ शेअर केला आणि लिहिले की, 'माझा एकही चित्रपट अद्याप तयार नसल्यामुळे मी माझा भाऊ अजय देवगणला विनंती केली आहे की मी ईदला येऊ शकतो का?, ईदी देण्यासाठी. चला ही ईद साजरी करूया आणि पाहूया रनवे ३४. रनवे ३४चा टीझर आउट. 

रनवे ३४ चित्रपट सत्य घटनांवर आधारित असून चित्रपटाच्या टीझर व्हिडिओमध्ये अजय देवगण आणि रकुल प्रीत एका फ्लाइटमध्ये बसलेले दिसत आहेत. व्हिडिओमध्ये अजय देवगण आणि रकुल प्रीत एटीसीशी संवाद साधताना दिसत आहेत. उड्डाण वादळाच्या मध्यातून जात आहे आणि अजय देवगण म्हणतो की आम्हाला अशी कोणतीही माहिती देण्यात आलेली नाही. हा टीझर खूपच मनोरंजक आहे आणि अधिक जाणून घेण्याची उत्सुकता निर्माण करतो.

ट्रेलर येणार लवकरच भेटीला

टीझर व्हिडिओमध्ये अमिताभ बच्चन यांचा आवाज देखील आहे जे म्हणतात, 'गुरुत्वाकर्षण.. गुरुत्वाकर्षणाचा नियम. एखादी गोष्ट जितक्या वेगाने वर जाते तितक्या वेगाने ती खालीही येते. अमिताभ बच्चन यांचा आवाज आणि अजय देवगणचा लूक तुम्हाला चित्रपटाच्या ट्रेलरसाठी आणखीन उत्सुकता निर्माण करतो. या चित्रपटाचा ट्रेलर २१ मार्च रोजी प्रदर्शित होणार असून २९ एप्रिल रोजी हा चित्रपट चित्रपटगृहांमध्ये प्रदर्शित होणार आहे.