मराठी कलाविश्वातील लोकप्रिय अभिनेता, कवी आणि उत्तम सूत्रसंचालक म्हणून नाव कमावणारा अभिनेता म्हणजे संकर्षण कऱ्हाडे (sankarshan karhade). आपल्या कलागुणांमुळे संकर्षण अल्पावधीत लोकप्रिय झाला. त्यामुळे आज त्याचा प्रचंड मोठा चाहतावर्ग असल्याचं पाहायला मिळतं. नाटक, मालिका अशा विविध माध्यमातून त्याने प्रेक्षकांची मनं जिंकली. संकर्षण सोशल मीडियावर प्रचंड अ‍ॅक्टिव्ह आहे. त्याने एखादी पोस्ट शेअर केली रे केली की ती व्हायरल झालीच समजा. संकर्षण एक पोस्ट शेअर करुन सोशल मीडियावर फसला आहे.
फेसबुकवर संकर्षणनने एक फोटो शेअर करत हा फोटो ''मी काढलाय ती जागा कोणती ..? ओळखा.. माझ्याकडून तुम्हाला एक छोट्टसं गिफ्टं देइन'' अशी पोस्ट शेअर केली होती. बऱ्याच नेटकऱ्यांनी कोल्हापूरचं, रंकाळा तलाव असं उत्तर दिलं आहे. त्यानंतर अभिनेते प्रशांत दामले यांनी संकर्षणच्या या फोटोवर कमेंट केली आहे. 'संकर्षण एवढ्या लोकांनी ओळखल. आता कस करशील', अशी कमेंट त्यांनी केली आहे. संकर्षणच्या या पोस्टची चांगलीच चर्चा सुरू आहे.
चित्रपट, मालिका आणि नाटक अशा तिन्ही क्षेत्रात त्याने आपल्या अभिनयाने प्रेक्षकांच्या मनात घर केले आहे. महाराष्ट्राचा सुपरस्टार या झी मराठीच्या कार्यक्रमात 2008 ला तो दिसला होता. ‘माझीया प्रियाला’ आणि ‘आभास हा’ या मालिकांमध्ये संकर्षणने काम केले आहे.
झी मराठीवरील ‘रामराम महाराष्ट्र’चे सूत्रसंचालनही त्याने केलं. यासोबतच लोभ असावा, मी रेवती देशपांडे या लता नार्वेकर यांच्या व्यावसायिक नाटकात संकर्षण होता. संकर्षण त्याच्या उत्तम अभिनयासोबतच सर्वात जास्त चर्चेत असतो ते त्याच्या जबरदस्त कवितांमुळे. त्यानं लिहिलेल्या कविता त्याच्या चाहत्यांना आणि प्रेक्षकांना नेहमीच विचांर करायला भाग पाडतात. त्याच्या लेखनीची जादू त्याच्या एका पेक्षा एक अशा लयभारी कवितांमधून पाहायला मिळते.