बॉलिवूड अभिनेता सुशांत सिंग राजपूतच्या निधनानंतर सिनेइंडस्ट्रीत घराणेशाहीच्या मुद्द्याला तीव्र विरोध होऊ लागला आणि लोक स्टारकिड्सवर निशाणा साधू लागले. त्यावेळी सोनाक्षी सिन्हा, अर्जुन कपूर, आलिया भट, अनन्या पांडे आणि करण जोहर यांच्यासह बऱ्याच कलाकारांना ट्रोलिंगचा सामना करावा लागला होता. सारा अली खान आणि रोहित शेट्टीचा एक जुना व्हिडीओ सध्या खूप व्हायरल होताना दिसतो आहे. या व्हिडीओत रोहित शेट्टी साराच्या स्ट्रगलची स्टोरी द कपिल शर्मा शोमध्ये सांगताना दिसतो आहे.
द कपिल शर्मा शोचे जुने व्हिडीओ बऱ्याचदा व्हायरल होताना दिसतात. नुकताच एक व्हिडीओ व्हायरल झाला आहे, ज्यात रोहित शेट्टी, सारा अली खान आणि रणवीर सिंग सोबत सिंबाचे प्रमोशन करण्यासाठी गेले होते. या व्हिडीओत रोहित शेट्टी, सारा अली खानच्या स्वभाव आणि सोज्वळतेबद्दल बोलत आहेत. या व्हिडीओत ते सांगत आहेत की सिंबामध्ये सारा अली खानला का कास्ट केले.
अमृता सिंग आणि सैफ अली खानची मुलगी, एकटी चालत माझ्या ऑफिसमध्ये आली आणि एका दिग्दर्शकाला म्हणाली की, प्लीझ मला काम द्या. मला रडू कोसळले. मी म्हटले तू चित्रपटात काम कर. हा व्हिडीओ व्हायरल झाल्यानंतर साराला खूप ट्रोल करण्यात आले होते.