कोरोना व्हायरसने देशात थैमान घातले आहे. या व्हायरसचा वाढता प्रादुर्भाव पाहून सरकारने लॉकडाउन जाहीर करण्यात आले होते. त्यामुळे मालिका व सिनेमांचे शूटिंग थांबले होते. मात्र आता तब्बल तीन महिन्यानंतर नव्या नियमांसोबत शूटिंगला सुरूवात झाली आहे. शूटिंग न झाल्यामुळे मालिकांचे प्रसारण थांबले होते. त्यामुळे प्रेक्षक मालिकांना खूप मिस करत होते. जवळपास तीन महिन्यांनंतर शूटिंगला सुरुवात झाल्याने छोट्या पडद्यावरील कलाकारांमध्ये उत्सुकतेचे वातावरण आहे. ‘अग्गंबाई सासूबाई’ या लोकप्रिय मालिकेच्या शूटिंगला नुकतीच सुरुवात झाली आहे.
झी मराठी वाहिनीच्या इंस्टाग्रामवर अग्गंबाई सासूबाई मालिकेचा प्रोमो शेअर केला आहे. व्हिडिओ शेअर करत त्यांनी म्हटले की, सासू झाली आई आता बबड्याची खैर नाही. "अग्गंबाई सासूबाई" १३ जुलैपासून पुन्हा एकदा तुमच्या भेटीला.
अल्पावधीच या मालिकेने प्रेक्षकांच्या मनावर छाप सोडली. आता या मालिकेचे नवीन एपिसोड १३ जुलैपासून प्रेक्षकांना पाहायला मिळतील.