Jhoome Jo Pathaan Twitter Reaction: शाहरूख खानचा ‘पठाण’ (Pathaan ) हा सिनेमा सध्या जाम चर्चेत आहे. आधी ‘पठाण’च्या ‘बेशरम रंग’ या गाण्यातील दीपिकाच्या भगव्या बिकिनीवरून वाद पेटला. आता ‘पठाण’चं दुसरं गाणं ‘झूमे जो पठान’ ची सोशल मीडियावर जबरदस्त खिल्ली उडवली जात आहे. काल ‘झूमे जो पठान’ हे गाणं रिलीज झालं. रिलीज होताच हे गाणं ट्रेंड करू लागलं. काहीच तासांत या गाण्याला लाखो व्ह्युज मिळाले. पण सोबत अनेकांनी या गाण्याला ट्रोलही केलं.
गाण्याची कोरिओग्राफी, लिरिक्स, म्युझिक लोकांना आवडलं नाही. शिवाय शाहरूखचे सिक्स पॅक अ‍ॅब्ज पाहून तर अनेकांनी एसआरकेची मजा घेतली. ‘57 वर्षाच्या म्हाताऱ्यानं असा कंटेन्ट बनवताना एकदा तरी विचार करायला हवा’, अशा काय काय कमेंट करत युजर्सनी शाहरूखची खिल्ली उडवली.
अनेकांना गाण्यातील शाहरूखचे सिक्स पॅक अ‍ॅब्ज नकली वाटले. काहींनी त्याला टिकटॉक स्टारची भारतातील स्वस्त कॉपी म्हटलं. काहींनी तर कहरचं केला. त्यांनी शाहरूखची तुलना थेट बिचुकलेशी केली. यावरचे अनेक मीम्स, जोक्स सध्या सोशल मीडियावर व्हायरल होत आहेत.
अर्थात काहींना मात्र ‘झूमे जो पठान’मधील शाहरूखचा अंदाज भलताच आवडला. प्रदर्शित झाल्यानंतर काहीच सेकंदात हे गाणं सोशल मीडियावर ट्रेंड होऊ लागलं. युट्यूबवर अवघ्या 30 मिनिटांत या गाण्याला एक दशलक्षाहून अधिक व्ह्यूज मिळाले आहेत.
‘पठाण’च्या या नव्या गाण्यातही शाहरुख आणि दीपिकाचा अत्यंत ग्लॅमरस अंदाज पहायला मिळतोय. हटके कपडे, सुंदर लोकेशन्स, शिवाय शाहरुखचा शर्टलेस लुक आणि सिग्नेचर पोझ हेही गाण्यात आहे. 57 व्या वर्षी शाहरुखची फिटनेस पाहून किंगखानचे चाहते थक्क झाले आहेत.
सिद्धार्थ आनंद दिग्दर्शित ‘पठाण’ हा चित्रपट 25 जानेवारी 2023 रोजी थिएटरमध्ये प्रदर्शित होत आहे. या चित्रपटात शाहरूख व दीपिकाशिवाय जॉन अब्राहमची महत्त्वपूर्ण भूमिका आहे.