शशांक केतकरची ड्रीम सिटी

प्रत्येक व्यक्तीची एक ड्रीम सिटी असते. ही ड्रीम सिटी पाहण्यासाठी प्रत्येकजण उत्सुक असतो. त्याचबरोबर स्वप्नातील या नगरीला भेट देण्यासाठी तो अनेक प्रयत्नही करीत असतो. अशीच ड्रीम सिटी पाहण्याची इच्छा अभिनेता शशांक केतकर याची पूर्ण झाली असल्याचे पाहायला मिळते आहे. हो, शशांक सध्या बुडापेस्ट या हंगेरी देशातील मुख्य शहराचा आनंद घेत असल्याचे पाहायला मिळत आहे. हो, कारण त्याने नुकतेच हंगेरी येथील काही फोटो सोशल मीडियावर अपलोड केले आहेत. त्याचबरोबर येथील वातावरण खूपच छान आहे. येथील दोन डिग्री तापमान खरंच झक्कास आहे. येथील थंडी एन्जॉय करत असल्याचे त्याने सोशल मीडियावर पोस्टच्या माध्यमातून सांगितले आहे. प्रेक्षकांनीही त्याला तितकाच चांगला प्रतिसाद दिला. खूपच छान, इतकी थंडी, काळजी घे, अशा कमेंटदेखील त्याला मिळाल्या आहेत. शशांक हा पर्यटनासाठी पोहोचला आहे की, चित्रपटाच्या चित्रीकरणासाठी हे अद्याप कळालेले नाही.