बॉलिवूड अभिनेत्री शिल्पा शेट्टी पुन्हा एकदा आई झाली, या वृत्ताने काही दिवसांपूर्वी सोशल मीडियावर खळबळ माजली होती. शिल्पा शेट्टीला यापूर्वी एक मुलगा आहे. त्याचं नाव आहे वियान. वियाननंतर आता शिल्पाच्या घरी छोट्या चिमुकलीचं आगमन झालं आहे. शिल्पाने या मुलीचं नाव समीशा ठेवलं आहे.
काही दिवसांपूर्वी शिल्पा शेट्टी मुंबई एअरपोर्टवर आपल्या मुलीसोबत पोझ देताना दिसली होती. यावेळी तिच्यासोबत तिचा नवरा राज कुंद्रा व बाकीचं कुटुंब पहायला मिळाले होते.
शिल्पाचे चाहते या फोटोनंतर मुलीचा जन्म झाल्यानंतर पहिला फॅमिली फोटो असल्याचं सांगत आहेत. आपला आनंद व्यक्त करत शिल्पा शेट्टीने हा फोटो शेअर करत म्हटलं की, तू तुझ्या जीवनातील पहिला टप्पा यशस्वीपणे पार पाडला आहेस. आज तू एक महिन्यांची झाली आहेस. माझे तुझ्यावर खूप प्रेम आहे. समीशा, तू आहेस माझी राजकुमारी.