काही दिवसांपूर्वी महाराष्ट्रात लॉकडाउन जाहीर करण्यात आले. त्यामुळे शूटिंगला बंदी असल्यामुळे अनेक मालिकांचे शूटिंग इतर राज्यात हलवण्यात आले होते. दरम्यान आता गोव्यात सुरू असलेल्या मराठी मालिकांचे शूटिंग आता अडचणीत सापडले आहे. गोव्याचे मुख्यमंत्री प्रमोद सावंत यांनी कोरोनाच्या वाढत्या प्रार्दुभावामुळे मालिका-चित्रपटांच्या शूटिंगला बंदी घातली आहे. सूर नवा ध्यास नवा, रंग माझा वेगळा, तू सौभाग्यवती हो, पाहिले ना मी तुला, अग्गंबाई सूनबाई, सुख म्हणजे नक्की काय असतं या मालिकांचे सध्या गोव्यात शूटिंग सुरू होते. मात्र दहा मेपर्यंत या मालिकांचे शूटिंग स्थगित करण्यात आले आहे.
गोव्यात ३० हून अधिक ठिकाणी मालिका-चित्रपटाचे शूटिंग सुरु आहे. सूर नवा ध्यास नवा, रंग माझा वेगळा, तू सौभाग्यवती हो, पाहिले ना मी तुला, अग्गंबाई सूनबाई, सुख म्हणजे नक्की काय असतं यासारख्या मराठी मालिकांसोबत कुंडली भाग्य, गुम है किसी के प्यार में, आपकी नजरों ने समझा, ये है चाहतें, अपना टाइम भी आएगा या हिंदी मालिकांचं शूटिंग सुरु आहे. त्यामुळे आता मालिकेचे निर्माते काय निर्णय घेतात याकडे सगळ्यांचे लक्ष लागले आहे.