बॉलिवूडचे सर्वात लोकप्रिय कपल सिद्धार्थ मल्होत्रा आणि कियारा अडवाणी आता अधिकृतपणे पती-पत्नी झाले आहेत. 'शेरशाह'च्या शूटिंगदरम्यान दोघेही एकमेकांच्या प्रेमात पडले आणि अखेर 7 फेब्रुवारीला जैसलमेरच्या सूर्यगढ पॅलेस हॉटेलमध्ये दोघांनी लग्न केले. त्यांच्या शाही लग्नात फक्त कुटुंब आणि जवळचे मित्र उपस्थित होते.
बॉलिवूडपासून ते साऊथ सिनेसृष्टीतील स्टार्सनी सिद्धार्थ-कियारावर अभिनंदनाचा वर्षाव केला. करण जोहर त्याच्या आवडतं कपल सिड-कियाराला लग्नानंतर एक मोठी भेट देणार आहे. होय, मीडिया रिपोर्ट्सनुसार, करण जोहरने सिद्धार्थ कियाराला त्याच्या आगामी तीन चित्रपटांसाठी साइन केले आहे.
मीडिया रिपोर्ट्सनुसार, चित्रपट निर्माता करण जोहरने सिद्धार्थ मल्होत्रा आणि कियारा अडवाणीला त्याच्या तीन चित्रपटांसाठी साइन केले आहे. करण जोहर सिड आणि कियाराच्या लग्नात उपस्थित होता. दोघांचा हा प्रोजेक्ट वरुण धवन आणि आलिया भट्टच्या दुल्हनिया फ्रँचायझीच्या असेल अशीही बातमी आहे.
सिद्धार्थ मल्होत्रा आणि कियारा अडवाणी यांचा पहिला आणि शेवटचा चित्रपट 'शेरशाह' होता. या चित्रपटात दोघांच्या जोडीनं चाहत्यांची मनं जिंकली होती. चित्रपटाच्या सेटवर दोघांमध्ये जवळीक वाढली आणि तिथेच दोघांनी लग्न करण्याचा निर्णय घेतला, असं म्हटलं जातं.