Yash Video : केजीएफ (KGF) आणि केजीएफ २ (KGF 2) सह बॉक्स ऑफिसवर खळबळ माजवणारा साऊथचा सुपरस्टार यशचा (Yash) एक व्हिडीओ सोशल मीडियावर तुफान व्हायरल होत आहे. नुकताच अभिनेत्याची पत्नी राधिकाने त्याच्या लेकाच्या वाढदिवसाचा व्हिडीओ इन्स्टाग्रामवर पोस्ट केलाय. या व्हिडीओमध्ये यश मनसोक्त नाचताना दिसतोय.
अभिनेता यशच्या मुलाचा वाढदिवस ३० ऑक्टोबरला साजरा करण्यात आला. लाडक्या लेकाला ५ वर्ष पूर्ण होताच यशने दणक्यात त्याचा बर्थडे सेलिब्रेट केला. शिवाय यशने आपल्या लेकाच्या बर्थडे पार्टीत कमाल डान्स देखील केल्याचं पाहायला मिळालं. अभिनेत्याचा असा अंदाज नेटकऱ्यांना भावला आहे.
यशच्या पत्नीने सोशल मीडियावर त्याचा डान्स करतानाचा व्हिडीओ पोस्ट केला आहे. या व्हिडीओच्या कॅप्शनमध्ये त्यांने लिहलंय, "डॅडा- असा नाच जसं तुला कोणी पाहतच नाही. आयरा- तू देखील अशी नाच की तुझ्या डॅडाकडे कोणी पाहूच नये". व्हिडीओमध्ये यशचा मुलगा यथर्व पत्नी राधिकाच्या कडेवर आहे. अभिनेत्याला त्याच्या कुटुंबीयांसोबत क्वालिटी टाईम स्पेंड करताना पाहून नेटकऱ्यांनी त्याच्यावर कौतुकाचा वर्षाव केला आहे. यशच्या अप्रतिम डान्स स्टेप्स पाहून उपस्थित लोकांकडून टाळ्या आणि शिट्ट्यांचा एकच कडकडाट झाला.
वर्कफ्रंट
साऊथ सुपरस्टार यशच्या वर्कफ्रंटबद्दल सांगायचं झालं तर अभिनेता त्याच्या आगामी 'टॉक्सिक' (Toxic) सिनेमात दिसणार आहे. सध्या सोशल मीडियावर यशच्या या सिनेमाची जोरदार चर्चा आहे. 'केजीएफ' सिनेमानंतर यशच्या या सिनेमाकडे चाहत्यांचं लक्ष लागलं आहे. यशने शूटला सुरुवातही केली आहे.