साऊथमधील प्रसिद्ध अभिनेत्री नयनताराने नुकतेच शाहरुख खानसोबत 'जवान' या चित्रपटाद्वारे बॉलिवूडमध्ये पदार्पण केले. या चित्रपटाने देशांतर्गत तसेच आंतरराष्ट्रीय बॉक्स ऑफिसही गाजवले. या चित्रपटाने आत्तापर्यंत अनेक विक्रम मोडीत काढले आहेत आणि आणखी अनेक विक्रम मोडण्याच्या तयारीत आहे. दुसरीकडे नयनताराला घेऊन एकवेगळीच चर्चा रंगताना दिसली. 'जवान' रिलीज झाल्यापासून नयनतारा खूश नसल्याचे बोलले जात आहे आणि याचे कारण दिग्दर्शक अ‍ॅटली आहे. नयनतारा सध्या बॉलिवूडचा कोणताही चित्रपट साइन करू इच्छित नाही.
नयनतारा 'जवान' दिग्दर्शक अ‍ॅटली यांच्यावर रागावली आणि बॉलिवूडपासून दुरावण्याचा विचार करत आहे? मीडिया रिपोर्टनुसार, नयनतारालाही वाईट वाटले की दीपिका पादुकोणच्या 'जवान'मधील भूमिकेपेक्षा तिच्या पात्राला जास्त महत्त्व मिळाले. अगदी शाहरुख आणि दीपिकाचा संपूर्ण चित्रपट म्हणून 'जवान' दाखवण्याचा प्रयत्न झाला.
रिपोर्टनुसार, 'जवान'मधील तिची भूमिका कट झाल्यामुळे नयनतारा अ‍ॅटलीवर खूप नाराज असल्याचे सूत्रांनी सांगितले. याशिवाय या चित्रपटातील दीपिका पादुकोणच्या भूमिकेचा प्रचार करण्यात आला आणि नयनताराच्या भूमिकेला बाजूला सारण्यात आले. बर्‍याच लोकांचा असा विश्वास आहे की 'जवान' मधील दीपिका पदुकोणच्या भूमिकेचे वर्णन स्पेशल अपिअरन्स आणि कॅमिओ म्हणून केले जात होते, परंतु प्रत्यक्षात ते चित्रपटात बरेच काही होते.
या सगळ्या चर्चा रंगलेल्या असताना , नयनताराने अ‍ॅटली यांच्या वाढदिवसानिमित्त एक पोस्ट शेअर करत शुभेच्छा दिल्या. अभिनेत्रीने 'जवान' मधील तिचे काही बीटीएस शॉट्स तिच्या इंस्टाग्राम स्टोरीवर शेअर केले आणि लिहिले, 'हॅपी बर्थडे अ‍ॅटली. मला तुझा अभिमान आहे. यासोबतच अभिनेत्रीने मिठी आणि हार्ट इमोजी देखील पोस्ट केलं. या पोस्टद्वारे नयनताराने मतभेदाच्या बातम्या पूर्णपणे फेटाळून लावत त्यांना पूर्णविराम दिला.