Karan Deol: नात सूनेच्या स्वागतासाठी धर्मेंद्र सज्ज, सनी देओल होणार सासरे, लाडका लेक करण देओल चढणार बोहल्यावर

प्रत्येकजण सनी देओल यांच्या होणाऱ्या सूनबाईंबाबत जाणून घेण्यासाठी उत्सुक आहे.

बॉलिवूडमधील दिग्गज कलाकारांबद्दल बोलायचे झाले तर त्यात सनी देओल(Sunny Deol) चे नाव नेहमीच घेतले जाईल. देओल कुटुंब अनेकदा कोणत्या ना कोणत्या कारणामुळे चर्चेत असते. सध्या सनी देओल यांचा मुलगा आणि अभिनेता करण देओलच्या नावाची जोरदार चर्चा होत आहे. लवकरच सनी देओल सासरा होणार आहेत. सनी देओल यांचा लाडका लेक करण देओल(Karan Deol) ने गुपचूप एंगेजमेंट केली आहे आणि लवकरच करण लग्न करणार आहे.

इंडिया टुडेच्या रिपोर्टनुसार, सनी देओल यांचा मुलगा करण देओलने एंगेजमेंट केले आहे. काही महिन्यांपूर्वी करण देओलने धूमधडाक्यात साखरपुडा केला आहे. धर्मेन्द्र यांची प्रकृती अलीकडे बरी नाही. त्यांची प्रकृती बघता देओल कुटुंबीयांनी घाईघाईत करणचा साखरपुडा उरकल्याचं म्हटलं जातंय. या साखरपुड्याचे फोटो समोर आलेले नाहीत. या साखरपुड्याला संपूर्ण देओल कुटुंब उपस्थित होते. धर्मेंद्र आणि हेमा मालिनी सुद्धा नातवाला आर्शीवाद देण्यासाठी आले होते. 

मीडिया रिपोर्टनुसार करण देओल पुढच्या महिन्यात लग्न करू शकतो, अशी चर्चा आहे. ही बातमी समोर आल्यानंतर प्रत्येकजण सनी देओल यांच्या होणाऱ्या सूनबाईंबाबत जाणून घेण्यासाठी उत्सुक आहे. द्रिशा व करण दीर्घकाळापासून एकमेकांना डेट करत आहेत. द्रिशा ही दिवंगत चित्रपट निर्माते दिग्दर्शक बिमल रॉय यांची पणती आहे. 

 करण देओलने हिंदी चित्रपटसृष्टीत पदार्पण केले आहे. 2019 मध्ये करण देओलने 'पल पल दिल के पास' या चित्रपटाद्वारे हिंदी चित्रपटसृष्टीत पाऊल ठेवले आहे. हा चित्रपट करणचे वडील आणि अभिनेता सनी देओल यांनीच दिग्दर्शित केला होता.