जस्टीन बिबरसोबत सनी लिओनी सुद्धा थिरकणार!

सिंगिंग सेन्सेशन जस्टीन बिबर याच्या मुंबईतील लाईव्ह शोची तुम्हाला प्रतीक्षा असणार. पण मे महिन्याला अद्याप बराच अवकाश आहे. तोपर्यंत जस्टीनला लाईव्ह ऐकण्यासाठी आतूर असलेल्यांसाठी आमच्याकडे एक बातमी आहे. होय, जस्टीन बिबरसोबत दीपिका पदुकोण, वरुण धवन, आलिया भट्ट आणि सिद्धार्थ मल्होत्रा असे सगळे परफॉर्म करणार, ही बातमी आम्ही तुम्हाला दिलीच होती. आता जस्टीनसोबत परफॉर्म करणाऱ्या बॉलिवूड सेलिब्रिटींच्या यादीत आणखी एक नवे नाव जुळले आहे. हे नाव आहे, बॉलिवूडची हॉट डॉल सनी लिओनी हिचे. सनी जस्टीनसोबत परफॉर्म करणार, हे जवळपास फायनल झाले आहे. सनीचे नाव या यादीत येणे, खरे तर यात काहीही आश्चर्यकारक नाही. कारण सनी भारत व विदेशातील एक परिचित नाव आहे.१९९५ साली ‘किंग आॅफ पॉप’ मायकल जॅक्सनचा भव्यदिव्य शो आयोजित करण्यात आला होता. तेव्हापासून मुंबईचे नाव आंतरराष्ट्रीय पटलावर मोठ्या अक्षरांत उमटले गेले. जस्टीन बिबरचे भारतात असंख्य चाहते आहेत. खासकरून तरुण मुला-मुलींमध्ये त्याची खूप क्रेझ आहे. त्यामुळे त्याला लाईव्ह पाहण्यासाठी लोकांची गर्दी उफाळून येईल असे म्हटले तर वावगे ठरू नये. नुकतेच बिबरने ‘अमेरिकन म्युझिक अवॉर्ड्स’ मध्ये सर्वाधिक पुरस्कारांवर आपले नाव कोरले. यामध्ये ‘व्हिडिओ आॅफ द इयर’ (सॉरी), ‘फेव्हरेट मेल आर्टिस्ट पॉप/रॉक’ आणि ‘फेव्हरेट अल्बम पॉप/रॉक’ या कॅटेगरीजमध्ये त्याने बाजी मारली. ‘बेबी’ गाण्यामुळे प्रकाशझोतात आलेल्या जस्टीनने वयाच्या केवळ २२व्या वर्षी ड्रेक, द विकेंड, एडेल यासारख्या दिग्गज कलावंतांना मागे टाकले. जस्टीन त्याच्या खासगी जीवनातील अफेअर्समुळेदेखील नेहमीच चर्चेत असतो.