Sunny Leone : बापरे! सनी लिओनीच्या नावाने होतेय मोठी फसवणूक; अभिनेत्रीने स्वत:च केलं अलर्ट, म्हणाली...

Sunny Leone : सनी लिओनीने आपल्या नावाचा चुकीचा वापर केला जात असल्याचं सांगत फॅन्सना सावध राहण्याचं आवाहन केलं आहे.

अभिनेत्री सनी लिओनी ही नेहमीच आपल्या बोल्ड आणि ब्य़ुटीफूल फोटोंमुळे चर्चेत असते. याच दरम्यान आता एक धक्कादायक माहिती समोर आली आहे. सनी लिओनीच्या नावाने मोठी फसवणूक केली जात असून अभिनेत्रीने स्वत:च आपल्या फॅन्सना अलर्ट केलं आहे. सनीने आपल्या ट्विटर अकाऊंटवरून याबाबत एक ट्विट केलं आहे. यामध्ये तिने एका इव्हेंटची माहिती दिली असून तिच्या नावाचा चुकीचा वापर करण्यात आल्याचं म्हटलं आहे. 

सनी लिओनीने आपल्या नावाचा चुकीचा वापर केला जात असल्याचं सांगत फॅन्सना सावध राहण्याचं आवाहन केलं आहे. थाडलंडमध्ये एका इव्हेंट होणार असून तिच्या नावाचा वापर करुन स्कॅम होत असल्याचं शेअर केलेल्या ट्विटमध्ये म्हटलं आहे. तसेच हे फेक असून अशा कोणत्याही फ्रॉडमध्ये अडकू नका, माझ्या नावाचा वापर केलेल्या इतर कोणत्याही गोष्टीला बळी पडू नका असं आवाहन तिने फॅन्सना केलं आहे.

NOTICE:
I am NOT associated with this #event in anyway nor does this award show / event organisers have any rights to use my name.
Kindly make sure that you do not fall for such #scams. pic.twitter.com/5eBVFoaeg9

— Sunny Leone (@SunnyLeone) September 26, 2022

सनीने आपल्या ट्विटमध्ये "मी कोणत्याही प्रकारे या अवॉर्ड शोसोबत जोडलेली नाही. तसेच या इव्हेंटच्या ऑर्गनायझर्सला माझ्या नावाचा वापर करण्याचा अधिकारही नाही. कृपया यात कोणीही अडकू नका" असं म्हटलं आहे. सनी लिओनी सोशल मीडियावर चांगलीच लोकप्रिय आहे. ती अनेकदा कुटुंबासोबतचे फोटो शेअर करत असते. 

सनीने डेनियल वेबरशी लग्न केले आहे. या जोडप्याला निशा, अशर आणि नोआहा अशी तीन मुलं आहेत. इतर सेलिब्रिटींप्रमाणे सनीलाही अनेकदा ट्रोल केलं जातं. सनी एमएक्स प्लेयरच्या 'अनामिका' या वेब सीरिजमध्ये दिसली होती. एका हिंदी वेबसाईटने याबाबतचे वृत्त दिले आहे.