सुपरस्टार सलमानने केले एफयूचे पोस्टर लाँच

महेश मांजरेकरांच्या बहुचर्चित आगामी एफयू या चित्रपटाचे टीजर पोस्टर नुकतेच बॉलिवुड सुपरस्टार आणि महेश मांजरेकरांचा खास मित्र सलमान खान यान ट्वीट करून लाँच केले आहे. या पोस्टरमध्ये आजकालच्या तरुणांचा यो स्टाइल-स्टायलिश हात दिसत आहे. हातामध्ये फॅशनेबल लेदरचे ब्रेसलेट आहे तर पोस्टरमधील तरुणाने तरुणांचे फेव्हरेट लेदर जॅकेट घातलेले दिसत आहे. ही इज बॅक (तो परतला) असे ठळकपणे लिहिलेल्या या पोस्टरवरून नक्कीच एक प्रश्न पडतोय की सैराट मधून लोकांच्या घराघरात आणि मनामनात पोहोचलेल्या चॉकलेट बॉय आकाशचा एफयू या नव्या चित्रपटातील लूक नक्की कसा असेल?शिवाय एफयूचे पुढील पोस्टर १४ एप्रिलला सकाळी ११.३५ ला सोशल मिडियावर लाँच होणार असल्याचेही त्यात म्हटले आहे. त्यामुळे प्रेक्षकांना पुढच्याही पोस्टरची जबरदस्त उत्सुकता लागली आहे. त्या पोस्टरमध्ये तरी आकाशचा नवा लूक दिसेल का? असा सगळ््यांना प्रश्न पडला आहे. आकाशचा नवा लूक आणि महेश मांजरेकरांचा नवा सिनेमा म्हणजे तो भन्नाटच असणार आहे अशी जोरदार चर्चा सिनेसृष्टीत सध्या सुरू आहे. त्यामुळे एफयू हा भन्नाट नावाचा भन्नाट चित्रपट २ जूनला प्रदर्शित होईपर्यंत सोशल मिडियावरील या चित्रपटाच्या भन्नाट पोस्ट्स पाहण्याची आणि शेयर करण्याची सगळ्यांना जबरदस्त उत्सुकता लागून राहिली आहे.