ठळक मुद्देअभिनेता सुशांत सिंग राजपूतने मुंबईत आपल्या राहत्या घरी गळफास घेत आत्महत्या केली. सुशांतचे बॉलिवूडमधले यश हे अनेकांना प्रेरणादायी होते. त्याच्या आत्महत्येने अनेक सेलेब्रिटींना धक्का पोहचला असून त्यांनी आपले दु:ख ट्विटद्वारे व्यक्त केले आहे.
टीव्ही मालिकेपासून बॉलिवूड पर्यंत यशस्वी मजल मारणारा अभिनेता सुशांत सिंग राजपूतने मुंबईत आपल्या राहत्या घरी गळफास घेत आत्महत्या केली. सुशांतच्या आत्महत्येच्या बातमीने अख्ख्या बॉलिवूडमध्ये खळबळ माजली आहे. सुशांतचे बॉलिवूडमधले यश हे अनेकांना प्रेरणादायी होते. तरीही त्याने आत्महत्येसारखी टोकाची भूमिका का घेतली हा प्रश्न विचार करण्यासारखा आहे. त्याच्या आत्महत्येने अनेक सेलेब्रिटींना धक्का पोहचला असून त्यांनी आपले दु:ख ट्विटद्वारे व्यक्त केले आहे.* अक्षय कुमार
बॉलिवूड अभिनेता सुशांत सिंग राजपूतची आत्महत्त्याची बातमी ऐकून सर्वचजण अगदी सुन्न झाले. अक्षयने ट्विट करुन दु:ख व्यक्त केले की, ‘प्रामाणिकपणे सांगतो, या बातमीने मला स्तब्ध आणि अवाक केले. मला आठवते की, मी ‘छिछोरे’मध्ये सुशांत सिंग राजपूतला पाहत होतो आणि माझा मित्र साजिदला सांगत होतो की, या चित्रपटाच्या निर्मात्याने चित्रपटाचा किती आनंंद घेतला आहे आणि असे वाटत आहे की या चित्रपटाचा हिस्सा असतो तर...असा प्रतिभाशाली अभिनेता....परमेश्वरा, त्याच्या कुटुंबियांना शक्ती दे.!* रितेश देशमुख
अभिनेता रितेश देशमुखनेही ट्विट करुन सुशांत सिंह राजपूतला श्रद्धांजली दिली आहे, रितेशने ट्विटमध्य लिहिले आहे की, ‘दु:ख व्यक्त करताना शब्द सापडत नाहीयत..., सुशांत सिंग राजपूत नाही राहिलेत....खूपच दु:ख झाले!
* अजय देवगन
अजय देवगननेही सुशांत सिंग राजपूतने आत्महत्या केल्याने दु:ख व्यक्त केले आहे. अजयने ट्विटमध्ये लिहिले आहे की, ‘सुशांत सिंह राजपूतच्या निधनाने खूपच दु:ख झाले आहे, खूपच दु:खद नुकसान आहे. त्याचे कुटुंब आणि प्रियजनांच्या प्रति खूपच संवेदना आहे. त्याच्या आत्म्याला शाश्वत शांती मिळो..!’
* वरुण धवन
वरुण धवनलाही सुशांतच्या आत्महत्येवर विश्वास ठेवणे कठीण जात आहे. सुशांत सिंह आता या जगात नाहीय, हे त्याच्या मनाला पटतच नाहीय. वरुणने ट्विट करुन लिहिले आहे की, ‘मी वास्तवात यावर विश्वासच करु शकत नाही. सुशांत एक अद्भुत अभिनेता होते आणि मी आजही त्यांच्यासोबतचे क्षण स्मरण केले. त्यांच्या प्रदर्शनाने मला नेहमी प्रेरित केले आहे. त्यांचे कुटुंब आणि प्रशंसकांप्रति खूपच संवेदना...!’
* विशाल दादलानी
सिंगर आणि म्यूझिक कंपोजर विशाल दादलानीदेखील या बातमीने स्तब्ध झाले. विशालने आपल्या ट्विटर अकाउंटवर लिहिले आहे की, ‘सुशांत सिंग राजपूत देखील? काय होत आहे हे? संताप होतोय. ही भयानक, भयानक बातमी आहे. कृपया आपली आणि आपल्या कुटुंबाची काळजी घ्या, आणि आपल्या मित्रांशी गप्पा मारा..!* विक्की कौशल
विक्की कौशललाही या बातमीने मोठा धक्का बसला आहे. विक्कीने ट्विटमध्ये लिहिले आहे की, ‘शब्द सापडत नाहीयत..’! सोबतच त्याने सुशांत सिंग राजपूतचे नाव लिहून तुटलेले मन दर्शविणारे इमोजी देखील बनविले आहे.* ऋचा चड्ढाया बातमीचा ऋचा चड्ढालाही धक्काच बसला. सुशांत सिंग गेल्याचा तिला विश्वासच बसत नाही. तिने ट्विटवर लिहिले की, ‘माझे हात खूपच थरथरत आहेत, जर एखाद्या गोष्टीवरुन तू नाराज होता तर त्याबाबत मला कॉल करुन चर्चा केली असती, आम्ही सर्व इथेच होतो, तुझ्यासोबत...!’