स्वप्निलचे स्वप्न झाले पूर्ण

मराठी फिल्म इंडस्ट्रीमधील चॉकलेटबॉय स्वप्निल जोशीचे स्वप्न पूर्ण झाले आहे. संजय लीला भन्साळी यांच्यासह काम करायचे त्याचे स्वप्न होते. आता संजय लीला भन्साळी यांच्यासोबत काम करायला तर बॉलीवूड इंडस्ट्रीतील अनेक जण लाइन लावून उभे आहेत, असे म्हणायला हरकत नाही. मग आपलेही नाव या नावाशी जोडले जावे, अशी इच्छा जर स्वप्निलला झाली तर त्यात आश्चर्य वाटण्यासारखे काहीच नाही अन् हे आम्ही नाही तर स्वत: स्वप्निलच सांगत आहे. ‘सीएनएक्स’ला दिलेल्या मुलाखतीत स्वप्निलने त्याचे हे स्वप्न सांगितले. तो म्हणाला, मला एके दिवशी शबिना खान यांच्या आॅफिसमधून फोन आला अन् त्यांनी सांगितले, एका मराठी चित्रपटासंदर्भात तुला भेटायचे आहे. तोपर्यंत मला माहीत नव्हते यात संजय लीला भन्साळी यांचा काही पार्ट आहे. मी शबिनाला भेटल्यावर तिने सांगितले की, आम्ही दोघे मिळून एक मराठी सिनेमा करीत आहोत अन् त्यात हीरोचा रोल तू करावास. मला त्यांच्या चित्रपटात काम करायला मिळतेय, म्हणजे माझे स्वप्न पूर्ण झाले.