‘तारक मेहता का उल्टा चष्मा’तील (Taarak Mehta Ka Ooltah Chashmah) कलाकारांनी प्रेक्षकांच्या मनात खास जागा निर्माण केली आहे. यापैकीच एक म्हणजे दयाबेन. अर्थात दिशा वकानी ( Disha Vakani). दिशा सध्या शोमध्ये नाही. पण ती शोमध्ये परतेल, ही आस अद्यापही कायम आहे. सध्या दिशाचा एक फोटो इंटरनेटवर व्हायरल होतोय आणि तो पाहून चाहते दिशाच्या नव-याला ट्रोल करत आहेत.नो मेकअप लुकमधील या फोटोत दिशाला ओळखणंही कठीण झालंय. फोटोत दिशाच्या खांद्यावर एक छोटं बाळ आहे आणि दिशा कॅमे-याला पोझ देतेय. चेह-यावर हसू आहे पण दिशा थकलेली दिसतेय. पाहता क्षणी हीच आपली दयाबेन यावर चाहत्यांचा विश्वास बसेना झालाय.
याच फोटोवर सध्या चाहत्यांच्या कमेंट्सचा जणू पाऊस पडतोय. दिशा प्लीज शोमध्ये परत ये, अशी विनंती शेकडो चाहत्यांनी केली आहे. तर काहींनी मात्र हा फोटो पाहून दिशाच्या पतीला ट्रोल केलं आहे. नव-यानेच दिशाचे करिअर बर्बाद केले, हे फार वाईट आहे, अशी कमेंट एका चाहत्याने केली आहे.दयाबेन अर्थात दिशाला ‘तारक मेहता का उल्टा चष्मा’च्या एका एपिसोडसाठी दीड लाख रुपए मिळत होते. ज्यामुळे ती 2017 मध्ये दर महिन्याला 20 लाख रुपये कमाई करत होती. तिच्याकडे 37 कोटी रूपयांची एकूण संपत्ती असल्याचं सांगितलं जातं. त्यासोबतच तिच्याकडे एक बीएमडब्ल्यू कारही आहे. मालिकेच्या प्रेक्षकांमध्ये वाढत्या आपल्या लोकप्रियतेमुळे दयाबेनला अनेक जाहिराती मिळाल्या आणि अनेक ब्रॅन्डसोबतही तिने काम केलं.दिशा वकानीने ड्रॅमेटिक आर्ट्समधून शिक्षण घेतलं आहे. 2015 साली तिने मयूर पहाडीसोबत लग्न केलं. 2017 मध्ये नोव्हेंबरमध्ये तिला मुलगी झाली. त्यानंतर तिने मालिकेत काम करणं बंद केलं. दिशा वकानीने अनेक मालिका आणि सिनेमांमध्ये काम केलं आहे. ती देवदास, मंगल पांडे: द राइजिंग, जोधा अकबर, लव स्टोरी 2050 या सिनेमांमध्ये दिसली आहे.