‘तारक मेहता का उल्टा चश्मा’ (Taarak Mehta Ka Ooltah Chashmah) या मालिकेत दयाबेनची (Dayaben) वापसी होणार आहे. किमान नवा प्रोमो तरी हेच सांगतोय. दिशा वकानीनं (Disha Vakani) मालिका सोडल्यापासून दयाबेन हे पात्र शोमधून गायब होतं. प्रेक्षक दयाबेनला पुन्हा पाहण्यास आतुर होते. तर आता प्रतीक्षा संपली आहे. मालिकेत नव्या दयाबेनची एन्ट्री होणार असं मानलं जात आहे. अर्थात हा नेहमीप्रमाणे प्रँक आहे की खरंच दयाबेन परतणार आहे, हे लवकरच कळेल. पण तूर्तास नवी दयाबेन कोण असणार? यावरून सोशल मीडियावर नवं नवे अंदाज बांधणं सुरू झालं आहे. एका अभिनेत्रीनं दयाबेन स्टाईलमध्ये व्हिडीओ शेअर केल्यानं तीच नवी दयाबेन असणार, असं म्हटलं जातंय. ही अभिनेत्री कोण? तर ‘कुंडली भाग्य’ फेम श्रद्धा आर्या (Shraddha Arya).
श्रद्धा आर्या टेलिव्हजनची लोकप्रिय अभिनेत्री आहे. सोशल मीडियावरही ती तितकीच सक्रिय पहायला मिळते. ‘कुंडली भाग्य’ मालिकेत गेल्या काही वर्षांपासून प्रीता ही व्यक्तिरेखा साकारणारी श्रद्धा आर्या आता दयाबेन बनण्याच्या तयारीत असल्याचं मानलं जातंय. याचा कारण आहे, तिने शेअर केलेला एक व्हिडीओ. श्रद्धा आर्यानं आपल्या इन्स्टाग्रामवर एक व्हिडीओ पोस्ट केला आहे.
या व्हिडीओमध्ये ती आपल्या मैत्रिणींसोबत दिसतेय. या व्हिडीओत कपाळावर बिंदी लावून मॅक्सी ड्रेस घातलेली आर्या दयाबेनचा फेमस डायलॉग म्हणताना दिसतेय. तो क्या इरादा है ची मिमिक्री तिनं केली आहे. दयाबेनचे हावभाव देखील तिने अगदी अचूक पकडले आहेत. श्रद्धाचा हा व्हिडीओ प्रेक्षकांना चांगलाच आवडला आहे. श्रद्धाच्या या दयाबेन अंदाजात शेअर केलेल्या व्हिडीओमुळे तिच दयाबेन साकारतेय या चर्चेला उधाण आलं आहे. श्रद्धा आर्या गेल्या ५ वर्षांपासून एकता कपूरच्या ‘कुंडली भाग्य’ मालिकेत मुख्य भूमिका साकारताना दिसत आहे.