सन मराठी वाहिनीवरील ‘मुलगी पसंत आहे!’ या मालिकेनं पहिल्या दिवसापासून प्रेक्षकांच्या मनात घर केले आहे. या मालिकेच्या प्रत्येक एपिसोड्समध्ये येणाऱ्या टर्निंग पाँईटमुळे, ट्विस्टमुळे ही मालिका प्रेक्षकांची आवडती मालिका बनली आहे. आता पुन्हा या मालिकेत नवीन घटना पाहायला मिळणार आहे आणि ती म्हणजे यशोधरेचं बदलेलं रुप. यशोधरा उर्फ अभिनेत्री हर्षदा खानविलकर यांच्या पात्राचं जसं रुप बदललं तसं त्यांच्या लूकमध्येही बदल करण्यात आला आहे.
हर्षदा खानविलकर यांची यशोधरा पात्राची स्टाईल चर्चेचा विषय बनलेली आणि महिला वर्गाकडून त्यांच्या साड्यांचे पण कौतुक करण्यात आले. आता मात्र यशोधराने स्वत:च्या लूकमध्ये बदल केला आहे, तो बदल देखील प्रेक्षकांना आवडेल याची खात्री वाटते. झालेल्या चुकांचे प्रायश्चित्त करायला मनशांती केंद्रात जाण्याचा विचार करणाऱ्या यशोधरेच्या मनात नेमकं काय चालू असेल.