तुला शिकवीन चांगलाच धडामध्ये नवा ट्विस्ट, अधिपतीच्या लग्नासाठी भुवनेश्वरीने घातलाय स्वयंवराचा घाट!

खरी मजा तर तेव्हा येणार आहे जेव्हा अधिपती सुर्यवंशीच्या स्वयंवरात अक्षराची एन्ट्री होणार आहे.

तुला शिकवीन चांगलाच धडा ही मालिका पहिल्याच आठवड्यापासून प्रेक्षकांची मनं जिंकताना दिसत आहे. या मालिकेच्या निमित्ताने हृषिकेश आणि शिवानी सोबत कविता लाड-मेढेकर आणि विजय गोखले हे देखील मध्यवर्ती भूमिकेत आहेत. कविता लाड आणि विजय गोखले बऱ्याच काळानंतर डेलीसोप मध्ये दिसणार आहेत. अधिपतीने नववीनंतर शिक्षण सोडलं कारण भुवनेश्वरीचं म्हणणं आहे की शिक्षणाने कुणाचं भलं होत नाही, शिक्षण हे गरिबांसाठी असत त्यामुळे त्यांना नोकरी लागते.

या आठवड्यात अधिपतीच्या लग्नासाठी भुवनेश्वरी स्वयंवर भरवणार आहे. या स्वयंवरासाठी भुवनेश्वरीच्या ३ अटी आहेत, मुलगी ठीकठाक दिसणारी असेल तरी चालेल, ती श्रीमंत नसेल तरी चालेल पण सगळ्यात महत्वाची अट म्हणजे मुलगी अशिक्षित हवी. पण ह्या स्वयंवरामध्ये अक्षरा पोहोचलेय. अधिपती तिला बघून अवाक झालाय. अक्षरा या स्वयंवरामध्ये कशी हा प्रश्न अधिपतील पडलाय त्यासोबतच तो मनातून खुशही आहे. त्यामुळे खरंच अक्षरा या स्वयंवरासाठी आलेय की हा अधिपतीचा भास आहे या सगळ्यांच्या उत्तर आपल्याला लवकरच मिळतील.

View this post on Instagram

A post shared by Zee Marathi (@zeemarathiofficial)

 
काय आहे मालिकेची कथा?
ही मालिका आहे एका शिक्षिकेची म्हणजेच अक्षराची जी मध्यमवर्गीय कुटुंबातील आहे, आणि अधिपतीची जो कमी शिकलेला पण गर्भ श्रीमंत आहे. अक्षरा सुंदर, सुशिक्षित, गुणी आणि तत्वनिष्ठ मुलगी आहे तिची शिक्षणाविषयी ठाम भूमिका आहे, शिक्षण फक्त प्रगती करत नाही तर चरित्र घडवत. तुमच्या निर्णय क्षमतेवर परिणाम करत असं तीच म्हणणं आहे, म्हणून तिने शिक्षण क्षेत्र स्विकारलं. तर दुसरीकडे मालिकेचा नायक अधिपतीचे अनेक व्यवसाय आहेत, त्याच्या मालकीची एक शाळा देखील आहे.