छोट्या पडद्यावरील आई कुठे काय करते (Aai Kuthe Kay Karte) मालिकेला कमी कालावधीत खूप लोकप्रियता मिळाली आहे. या मालिकेतील सर्वच पात्रांनी रसिकांच्या मनात घर केले आहे. या मालिकेतील सर्व कलाकार सोशल मीडियावर सतत चर्चेत येत असतात. या मालिकेत अनिरूद्धची भूमिका साकारणारे अभिनेता मिलिंद गवळी (Milind Gawali) सोशल मीडियावर सक्रीय असून या माध्यमातून ते चाहत्यांना अपडेट देत असतात. त्यांच्या लेकीच्या लग्नाचा वाढदिवस नुकताच पार पडला. त्या निमित्ताने त्यांनी सोशल मीडिया इंस्टाग्रामवर व्हिडीओ शेअर करत तिला लग्नाच्या वाढदिवसाच्या शुभेच्छा दिल्या आहेत.
मिलिंद गवळी यांनी इंस्टाग्रामवर त्याची लेक आणि जावयाच्या फोटोंचे कोलाजचा व्हिडीओ शेअर करत लिहिले की, दिग्विजय मिथिला, लग्नाच्या वाढदिवसाच्या शुभेच्छा माझ्या मुलांनो. खूप प्रेम आणि आशीर्वाद. तुम्हा दोघांची सर्व स्वप्ने आणि इच्छा पूर्ण होवोत., नेहमी आनंदी आणि निरोगी राहा.. भरपूर प्रेम... या पोस्टला चाहत्यांची खूप पसंती मिळताना दिसते आहे.
मिलिंद गवळी यांच्या लेकीचे नाव मिथिला असून २०१८ मध्ये ती लग्नबेडीत अडकली आहे. ती फिटनेस ट्रेनर आहे. द बॅलन्स मिथ नावाचे तिचे इंस्टाग्राम अकाउंट असून जिथे ती फिटनेसचे धडे देताना दिसते.
मिलिंद गवळींनी हिंदी सिनेइंडस्ट्रीतही केलंय काम
मिलिंद गवळी यांनी मराठी आणि हिंदी चित्रपटात काम केले आहे. तसेच बऱ्याच मालिकांमध्ये काम केले आहे. शूर आम्ही सरदार, हे खेळ नशिबाचे, आधार, वैभव लक्ष्मी, सून लाडकी सासरची, सासर माझे मंदिर या मराठी सिनेमात त्यांनी काम केले आहे. तसेच चंचल, वक्त से पहेले, हो सकता है यांसारख्या हिंदी चित्रपटांमध्ये तो झळकला आहे. कॅम्पस, सीआयडी, आहट, कहानी तेरी मेरी यांसारख्या मालिकांमध्ये त्यांनी काम केले आहे.