'आई कुठे काय करते' (aai kuthe kay karte) या मालिकेच्या माध्यमातून घराघरात पोहोचलेली लोकप्रिय अभिनेत्री म्हणजे अश्विनी महांगडे (Ashvini Mahangade). ऐतिहासिक मालिकांमुळे विशेष लोकप्रिय झालेल्या अश्विनीचा या मालिकेतील नवा अंदाजही प्रेक्षकांना विशेष भावला आहे. त्यामुळे आई कुठे काय करते मधील अनघा अल्पावधीत लोकप्रिय झाली. आज सोशल मीडियावर अश्विनीचा मोठा चाहतावर्ग असल्याचं पाहायला मिळतो. त्यामुळे या चाहत्यांच्या संपर्कात राहण्यासाठी ती कायम प्रयत्न करत असते. यात नवनवीन फोटो, व्हिडीओ शेअर करुन ती तिच्याविषयीचे अपडेट्स देत असते. दरम्यान आता अश्विनीने सोशल मीडियावर शेतातील फोटो शेअर करत पोस्ट लिहिली आहे. तिची ही पोस्ट चर्चेत आली आहे.
अश्विनी महांगडे हिने शेतातील फोटो शेअर करत लिहिले की, शेती कशी करायची यांची शिकवण आणि तो संस्कार देणारे नाना आणि मम्मी. आजही शेतात नानांचा सहवास जाणवतो. त्यांच्यासारखे जगता यायला हवं. मनात हजारो दुःखाचा डोंगर असला तरी चेहऱ्यावर कायम हसू आणता यायला हवं. #नाना #माझा_बापमाणूस. अश्विनीच्या या पोस्टला चाहत्यांची पसंती मिळताना दिसते आहे. या फोटोत अश्विनी शेतात बसलेली दिसते आहे आणि तिने लाल रंगाची साडी परिधान केलेली दिसत आहे.
या मालिकेच्या आधी ती 'स्वराज्य रक्षक संभाजी' मालिकेतील राणू अक्काच्या भूमिकेत पाहायला मिळाली होती. याशिवाय तिने अस्मिता मालिकेत काम केले आहे. तसेच अश्विनीने टपाल, बॉईज या चित्रपटात काम केले आहे.