अल्पावधीतच लोकप्रिय ठरलेली छोट्या पडद्यावरील मालिका आई कुठे काय करते सध्या उत्कंठावर्धक वळणावर आली आहे. मालिकेत आशुतोष या पात्राची एन्ट्री झाल्यानंतर मालिकेत नवा ट्विस्ट आला आहे. आशुतोष हा अरूंधतीचा कॉलेजचा मित्र आहे. ज्याला कॉलेजच्या जीवनात अरूंधती आवडायची आणि त्यामुळे आजही तो सिंगल आहे. त्यामुळे आता अरूंधती आणि आशुतोष यांचे लग्न होईल का, असा प्रश्न चाहत्यांना पडला आहे. अरूंधतीची भूमिका अभिनेत्री मधुराणी प्रभुलकर हिने साकारली आहे. दरम्यान मधुराणीचा नवीन फोटो चर्चेत आला आहे.
अभिनेत्री मधुराणी प्रभुलकर हिने इंस्टाग्रामवर लेटेस्ट फोटो शेअर केला आहे. या फोटोने सर्वांचे लक्ष वेधून घेतले आहे. या फोटोत मधुराणी गुलाबी रंगाच्या पंजाबी ड्रेसमध्ये दिसते आहे. तिने हा फोटो शेअर करत लिहिले की, आह को चाहिए इक उम्र असर होते तक कौन जीता है तिरी ज़ुल्फ़ के सर होते तक.
मधुराणीने या माध्यमात केले काममधुराणी गोखले ही मराठी सिनेइंडस्ट्रीतील लोकप्रिय अभिनेत्री असून जाहिरात क्षेत्रापासून तिने करिअरची सुरुवात केली होती. त्यानंतर हळूहळू तिचा प्रवास रुपेरी पडद्याकडे झाला. आजवरच्या कारकिर्दीत तिने अनेक मालिका, नाटक, चित्रपटांमध्ये काम केले आहे.