'आई कुठे काय करते' मालिकेतील अरुंधतीच्या गुलाबी साडीतील फोटोने वेधले सर्वांचे लक्ष

Aai Kuthe Kay Karte: मधुराणी प्रभुलकर (Madhurani Prabhulkar) हिने इंस्टाग्रामवर गुलाबी रंगाच्या साडीतील फोटो शेअर केला आहे.

स्टार प्रवाह वाहिनीवरील लोकप्रिय मालिका आई कुठे काय करते (Aai Kuthe Kay Karte) उत्कंठावर्धक वळणावर आली आहे. सध्या मालिकेत अरुंधतीची होणारी प्रगती पाहून चाहते खूपच खूश झाले आहेत. अरुंधतीची भूमिका अभिनेत्री मधुराणी प्रभुलकर (Madhurani Prabhulkar) हिने साकारली आहे. मधुराणीबद्दल जाणून घेण्यासाठी चाहते नेहमी उत्सुक असतात. नुकतेच तिने सोशल मीडिया इंस्टाग्रामवरील साडीतल्या फोटोंनी सर्वांचे लक्ष वेधून घेतले आहे.

मधुराणी प्रभुलकर हिने इंस्टाग्रामवर गुलाबी रंगाच्या साडीतील फोटो शेअर केला आहे. तिने फोटो शेअर करत लिहिले की, सहजरित्या हॉट आणि मॉडेस्ट दिसण्यासाठी साडी नेसा. मधुराणीच्या फोटोवर चाहते लाइक आणि कमेंट्सचा वर्षाव करत आहेत.

एका युजरने लिहिले की खूपच सुंदर दिसत आहात. तर दुसऱ्या एका युजरने म्हटले की, असामान्य सुंदरता. आणखी एकाने लिहिले की, अतिसुंदर. 

'आई कुठे काय करते' या मालिकेत गेल्या बऱ्याच दिवसांपासून देशमुखांच्या कुटुंबात कोणती ना कोणती घटना घडताना दिसते आहे. अरुंधती स्वबळावर पुढे जाण्याचा प्रयत्न करते आहे. तर, दुसरीकडे अनिरुद्ध आणि संजना वारंवार तिचा पाय मागे खेचण्याचा प्रयत्न करत आहेत. सतत तिला घालून पाडून बोलत आहेत. यामध्येच संयमाने वागणाऱ्या अरुंधतीला कांचनही संधी मिळेल तेव्हा टीका करत आहे. मात्र, आता यावेळी तिने चक्क आप्पांनाही सुनावले आहे. त्यानंतर आता आप्पा घर सोडून निघून जाणार आहेत. त्यामुळे मालिकेत पुढे काय घडणार, हे पाहण्यासाठी प्रेक्षक उत्सुक आहेत.