स्टार प्रवाह वाहिनीवरील लोकप्रिय मालिका आई कुठे काय करते(Aai Kuthe Kay Karte)ने अल्पावधीतच रसिकांच्या मनात आपले स्थान निर्माण केले आहे. तसेच या मालिकेतील पात्रांनादेखील प्रेक्षकांची पसंती मिळताना दिसते आहे. या मालिकेतील साधी भोळी अरुंधती आणि स्वार्थी पण तितकीच प्रेमळ संजनाची केमिस्ट्रीदेखील प्रेक्षकांना भावते. अरुंधतीची भूमिका मधुराणी प्रभुलकर (Madhurani Prabhulkar) हिने साकारली आहे तर संजनाची भूमिका रुपाली भोसले (Rupali Bhosale) हिने. अरुंधती आणि संजनाचं ऑनस्क्रीन जरी पटत नसलं तरी ऑफ स्क्रिन या दोघी चांगल्या मैत्रिणी आहेत. त्यांच्यातली मैत्रीचा एक धम्माल व्हिडीओ नुकताच अभिनेत्री रुपाली भोसले हिने शेअर केला आहे. हा व्हिडीओ व्हायरल होताना दिसत आहे.
रुपाली भोसले हिने इंस्टाग्रामवर एक व्हिडीओ शेअर केला आहे. सध्या या व्हिडीओची सर्वत्र खूप चर्चा होताना दिसते आहे. तिने यावेळी शेअर केलेल्या व्हिडीओमध्ये अरुंधती तिला थालीपीठ भरवताना दिसत आहेत. दोघीही एकमेकींबरोबर टाळ्या देत हसताना देखील दिसत आहेत. तसेच तिने व्हिडीओमधून मालिकेच्या सेटवर कसे वातावरण असते. नाईट शिफ्ट असली की कलाकारांची कशी वाट लागते तरीही ते कशी धमाल करतात याविषयी तिने सांगितले आहे. आई कुठे काय करते मालिकेच्या सेटवर संध्याकाळी नो ब्रेकमध्ये काम सुरू असते. असे असली की कलाकारांचा त्यात वेळ जातो आणि त्यांच्या जेवणाची वेळ निघून जाते. मात्र तेव्हा अरुंधती म्हणजेच अभिनेत्री मधुराणी प्रभुलकर हिच्यामुळे कलाकारांना थोडेसे का होईना खायला मिळते.
चाहते करताहेत कमेंट्सचा वर्षावअरुंधती आणि संजनाची ऑफस्क्रिन धम्माल पाहून त्यांच्या चाहत्यांनी 'बहुत याराना लगता है', असं म्हटलं आहे. तर दुसऱ्या चाहत्याने लिहिले, 'लव्हली मुमेंट, एक घास प्रेमाचा'. एका चाहत्याने तर दोघींचं प्रेम पाहून 'सवत माझी लाडकी' असेही म्हटले आहे.