आई कुठे काय करते (Aai Kuthe Kay Karte) मालिकेची प्रेक्षकांमध्ये खूप क्रेझ आहे. प्रेक्षक या मालिकेबद्दल आणि त्यातील कलाकारांबद्दल जाणून घेण्यासाठी खूप उत्सुक असतात. या मालिकेतील आई म्हणजेच अरुंधती सर्वांना आपलीशी वाटते. ती प्रत्येकाच्या घरातील जणू सदस्य बनली आहे. अरुंधतीची भूमिका अभिनेत्री मधुराणी प्रभुलकर (Madhurani Prabhulkar) हिने साकारली आहे.
सुरुवातीस साडीत दिसणाऱ्या अरुंधतीचा आता मेकओव्हर होणार आहे. अनिरुद्धशी घटस्फोट झाल्यानंतर काही दिवसांपासून अरुंधतीच्या आयुष्यात नवी वळण यायला लागली आहेत. अरुंधतीच्या आयुष्यात तिचा जुना मित्र आशुतोष परतला आहे. त्याच्या साथीने तिने आपलं पहिलं गाणं देखील रेकॉर्ड करते. रिपोर्टनुसार आता अरुंधती साडीत नाही तर पंजाबी ड्रेसमध्ये दिसणार आहे. कॉटनची साडी, साधी वेणी घालण्याऱ्या अरुंधतीचा आता मेकओव्हर होणार आहे. अरुंधतीचा झालेला मेकओव्हर पाहून अनिरुद्धची काय प्रतिक्रिया असेल पहाणं औत्सुक्याचे ठरणार आहे. अरुंधतीचे चाहचचे मात्र तिचा नवा लूक पाहण्यासाठी नक्कीच आतुर असतील यात काही शंका नाही..
मधुराणी प्रभुलकरला आई कुठे काय करते या मालिकेतून लोकप्रियता मिळाली. तिने मालिका, नाटक आणि चित्रपट या तिन्ही माध्यमात काम केले आहे. या मालिकेपूर्वी ती 'इंद्रधनुष्य','असंभव' या मालिकेतही झळकली आहे. तर 'सुंदर माझं घर', 'गोड गुपित', 'समांतर, 'नवरा माझा नवसाचा', 'मणी मंगळसूत्र' यांसारख्या मराठी चित्रपटातही ती पाहायला मिळाली आहे.