छोट्या पडद्यावर गाजत असलेली मालिका म्हणजे 'आई कुठे काय करते' (aai kuthe kay karte). या मालिकेत आतापर्यंत अनेक रंजकदार वळणं आल्याचं सगळ्यांनी पाहिलं आहे. याच रंजकदार वळणांमुळे ही मालिका दिवसेंदिवस लोकप्रिय होत आहे.सतत नवऱ्याच्या दबावाखाली राहणारी अरुंधती घटस्फोटानंतर मुक्तपणे वावरु लागली आहे. इतकंच नाही तर आता ती स्वत:साठी खंबीरपणे उभी राहू लागली आहे. काही दिवसांपूर्वीच अरुंधतीने देशमुखांचं घर सोडलं.
अनिरुद्धने फसवणुक केल्यानंतर अरुंधतीच्या आयुष्यात आशुतोषच्या रुपात नवं प्रेम येणार आहे. अरुंधतीचा मित्र आशुतोष तिच्या प्रेमात पडला आहे. याची कबुली ही तो देशमुख कुटुंबियांसमोर देणार आहे. मराठी सिरिअल्स ऑफिशलच्या रिपोर्टनुसार अरुंधती आणि आशुतोषच्या प्रेमासाठी तिचा धाकटा मुलगा यश पुढाकार घेणार आहे. यश अरुंधती आणि आशुतोषला एकत्र आणण्यासाठी प्रयत्न करणार आहे. ऐवढंच नाही तर यश आशुतोषला तो अरुंधतीवर प्रेम करत असल्याची जाणीवही करुन देतो.
अरुंधती आशुतोषच्या प्रेमाचा स्वीकार करणार का ?, देशमुख कुटुंबाची यावर काय प्रतिक्रिया असेल, सतत अरुंधतीच्या चारित्र्यावर शिंतोडे उडवणारा अनिरुद्ध यावर काय करणार हे पाहणं उत्सुकतेचे ठरणार आहे.