छोट्या पडद्यावरील प्रसिद्ध अभिनेते नितीश पांडे(Nitesh Pandey)चं निधन झालं आहे. २३ मे रोजी रात्री हृदयविकाराच्या झटक्यामुळे त्याचा मृत्यू झाला. अभिनेता ५१ वर्षांचा होता. त्याच्या निधनामुळे टेलिव्हिजन जगतावर शोककळा पसरली आहे. नितीश पांडे यांच्या जाण्याने लोकांनाही धक्का बसला आहे. सोशल मीडियाच्या माध्यमातून अनके सेलिब्रेटींनी त्यांनी श्रद्धांजली वाहिली.
अभिनेता नितेश पांडे यांच्या आकस्मित निधनाने त्यांचे कुटुंबिय आणि चाहत्यांना मोठा धक्का बसला आहे.अभिनेत्री मृणाल कुलकर्णी यांना ही धक्का बसला आहे. मृणाल कुलकर्णींनी पोस्ट शेअर करत त्यांना श्रद्धांजली वाहिली आहे. मृणाल कुलकर्णींनी त्यांच्या इन्स्टाग्रामवरुन नितेश पांडे यांचा फोटो शेअर केला आहे. “हे बरोबर नाही…नितेश पांडे आता आपल्यात नाहीत,” असं म्हणत मृणाल कुलकर्णीं भावूक झाल्या आहेत.
नितीश पांडेचा जन्म १७ जानेवारी १९७३ रोजी झाला. त्यांनी चित्रपट आणि टीव्हीच्या जगतात काम केले आहे. 'ओम शांती ओम' चित्रपटात तो शाहरुख खानच्या असिस्टंटच्या भूमिकेत दिसला होता. त्याच वेळी, तो दिशा परमार आणि नकुल मेहता स्टारर शो 'प्यार का दर्द है मीठा मीठा प्यारा प्यार' मध्ये देखील महत्त्वाच्या भूमिकेत दिसला होता.
मालिकेसोबत सिनेमातही केलं होतं कामनितीश पांडे यांनी १९९५ पासून टेलिव्हिजन जगतात काम करण्यास सुरुवात केली. 'तेजस', 'सया', 'मंजिलें अपनी अपनी', 'जस्तजू', 'हम लड़कियाँ', 'सुनैना', 'कुछ तो लोग कहेंगे', 'एक रिश्ता पार्टनरशिप का', 'महाराजा की' यांसारख्या चित्रपटांमध्ये त्यांनी काम केले आहे. तो 'अनुपमा'मध्ये धीरज कपूरच्या भूमिकेत दिसला होता. याशिवाय त्याने 'बधाई दो', 'मदारी', 'दबंग २' सारख्या चित्रपटातही काम केले.