छोट्या पडद्यावरील मालिका शुभमंगल ऑनलाईनला प्रेक्षकांची चांगली पसंती मिळते आहे. या मालिकेत सुयश टिळक, सायली संजीव हे कलाकार मुख्य भूमिकेत आहेत. या मालिकेत समीधा गुरू हिने ऐश्वर्याची भूमिका साकारली आहे. या भूमिकेला प्रेक्षकांची पसंती मिळते आहे. फार कमी लोकांना माहित आहे की समीधा गुरूची सख्खी बहिणदेखील प्रसिद्ध अभिनेत्री आहे.
अभिनेत्री समीधा गुरू सुप्रसिद्ध अभिनेत्री मृणाल देशपांडेची बहिण आहे. मृणाल देशपांडेने अनेक मालिकेत काम केले आहे. पुढचं पाऊल मालिकेतून ती घराघरात पोहचली.
सध्या ती बावरा दिल या हिंदी मालिकेत काम करताना दिसते आहे. छत्रीवाली मालिकेतही तिने काम केले आहे. याशिवाय आणखी काही मालिकेत ती झळकली आहे.
अभिजीत गुरू हा समीधाचा नवरा असून त्याने दूरचिवाहिन्यांवर गाजलेल्या विविध मराठी मालिकांचे संवाद आणि पटकथा लिहिल्या आहेत. तो एक चांगला अभिनेता असण्यासोबतच एक खूप चांगला लेखक आहे.