सोनी मराठी वाहिनीवर अजूनही बरसात आहे ही मालिका नुकतीच दाखल झाली आहे. या मालिकेत उमेश कामत आणि मुक्ता बर्वे मुख्य भूमिकेत आहेत. या मालिकेला प्रेक्षकांची पसंती मिळते आहे. या मालिकेतील सुहिता थत्ते, राजन ताम्हाणे, समिधा गुरू, शर्मिला शिंदे, उमा सरदेशमुख या कलाकारांच्या मालिकेतील भूमिकादेखील प्रेक्षकांच्या पसंतीस पडत आहेत. दरम्यान या मालिकेत मल्हारची भूमिका साकारणारा अभिनेता संकेत कोर्लेकर याच्यावर दुःखाचा डोंगर कोसळला आहे. त्याने सोशल मीडियावर पोस्ट शेअर करत त्याच्या आजोबांचे निधन झाल्याचे सांगितले आहे.
संकेत कोर्लेकर याने सोशल मीडिया इंस्टाग्रामवर आजोबांसोबत फोटो शेअर करत लिहिले की, भाऊ आजोबा म्हणजे आईचे वडील.. देवाघरी गेले.. कधी वाटलंच नव्हतं की हसत हसत काढलेला आमचा हा सेल्फी शेवटचा असेल.माझे खूप लाडके आजोबा.. कायम आपल्या कामाप्रती प्रामाणिक.आईलाही त्यांनी कायम हीच शिकवण दिली की आपण जे काम करतोय त्या जागेला मंदिर समजून तिथल्या कामाप्रती प्रामाणिक राहायचे. चार दिवसांपूर्वी मी आईला म्हणालो की सीरिअलमध्ये महत्वाचे सीन सुरु आहेत म्हणून मी इतक्यात रोह्याला येऊ शकत नाही.