सध्या मराठी सिनेसृष्टीत लगीनघाई सुरु आहे. अभिनेत्री अक्षया देवधर (Akshaya Deodhar) आणि अभिनेता हार्दिक जोशी (Hardik Joshi) लवकरच लग्नगाठ बांधणार आहेत. दोघांच्याही लग्नापूर्वीच्या विधींना सुरुवात झाली आहे. असे असताना आता अक्षया-हार्दिकसोबत पाहिले न मी तुला फेम अभिनेता आशय कुलकर्णी (Aashay Kulkarni) देखील लवकरच लग्नबंधनात अडकणार आहेत. आशयच्या घरीसुद्धा आता लगीनघाईला सुरूवात झाली आहे.
अक्षया देवधर आणि हार्दिक जोशी सोबतच आशय कुलकर्णी देखील २ डिसेंबरला विवाह बंधनात अडकणार आहेत. त्याची होणारी पत्नी कोण आहे, हे जाणून घेण्यासाठी तुम्ही असाल ना. तर आशय त्यांची लॉंग टाईम गर्लफ्रेंड सानिया गोडबोले हिच्याशी लग्न करतो आहे. आशयच्या घरी ही लगीनघाईला सुरवात झाली आहे. नुकतीच आशय आणि सानियाचा मेहंदीचा सोहळा पार पडला. मेहंदी सोहळ्याचे फोटो नुकतेच समोर आलेत.
आशय कुलकर्णी छोट्या पडद्यावरील प्रसिद्ध अभिनेता आहे. माझा होशील ना, सुंदरी, पाहिले न मी तुला या मालिकेत त्याने काम केले आहे. लवकरच आशय सोनाली कुलकर्णीसोबत 'व्हिक्टोरिया' सिनेमात झळकणार आहे. त्यासाठी त्याने लंडनमध्ये शूट केले आहे. नाटक, मालिकांनंतर आता त्याला चित्रपट पाहण्यासाठी चाहते उत्सुक आहेत.